Psa 60 | XteSC | STEP | Raja Dauddi, aMazmur upu mut seku. Dauddi pepu. “Ada Allah upu mut pena deiyo ngebo karena tep seku. Tonda, amutda yuk Allah upu mut, er sida, urasin telep kait, er sida Bunga Bakung, amut lemlim peramretopu, amut peda utopu penkamrume,” pepu. Amazmur upuda, Israel nesala peteremna tep, Dauddi seku.

Psalms 60

Allahdi ikin keca weik kareamseupa, ikin kange doupra kunupa cadi, ‘Melipra lyepkamserem’ tenen, Allah tep moropu upu

1 Raja Dauddi, aMazmur upu mut seku. Dauddi pepu. “Ada Allah upu mut pena deiyo ngebo karena tep seku. Tonda, amutda yuk Allah upu mut, er sida, urasin telep kait, er sida Bunga Bakung, amut lemlim peramretopu, amut peda utopu penkamrume,” pepu.
Amazmur upuda, Israel nesala peteremna tep, Dauddi seku.
2 Tonda, yuk-yuk nesala, sun Mesopotamia mutu Aram neng cap, tonda, sun Zoba mutu neng capdi,’ Israel nesala popkup’ tenen, mar poryakarami taruda, Dauddi aupu seku.
Tonda, Daud er jen talen neng, sun ila deiyo ngebo, er si Yoabdi, Edom tara neng, denge weik dua belas ribu (12.000) neng tep popu taru di, aMazmur upu seku. Yoabdi aneng popkaida, ila ban mutu, er si ‘Asin Palin Ban’ perami mutu neitamai di popu. Dauddi pepu upuda ake.
3 Uo, ne nai Allah, kandi nun Israel nesala tep, ‘Men melipkamne’ tenepmumdi, konum kaukepsemumdi, tapsemuma tep, nundi men taru domepu ila gel ati-ati yumada, kandi go karepmumpa, nun pona tep nengdi, agel ati yuma konum uruptapra daksei.
Nun nai Allah, nun mali kunange tep, yu kupkeupa, derepsemumdi, kange mun keca kareamsemum dinin, ukutaruda, ‘Kandi nun tep, kange di telep kweipsetum’ tenen, moropkepe.
4 Uo, nun nai Allah, kandi go karepmumpa, nun podan nengdi yana ponmasengpa, kware pio weik kunmape. Ukupmantoda, ^{▼▼ukupmanto – Ayat 4 cap, ayat 5 cap yumada domon upu ton tapakra seku. Angeda ila mutu longna utopunge pepkada, sun Israel nesala kurami mutu yuma mali weik kupka tepa. Ayat 6 dinin dutara yumada, ada Israel nesala sun pe kange mun kange doupra kuramya tep, Allah mororami. Deiyoda, Israel nesala mali kuramipa, Allahdi go karepka tep, sun pona tep neng, yuk-yuk mutu nengdi yana poramipa, Israel nesala ikin weik kuramya cadi, sun yumadi, ‘Uo, ware kupkup do?’ tenen, ikin kange doupra, dipru bulungsangamnga cadi, ikin kange doupra kuramipa, Allah tep mororami. Ada, ‘Nun nai Allahdi, kange di ton, nun cap, nun mutu cap tep, telep kweipsetu’ tenen, mororami.} ila kange mun mutu longna longre taruda, mutu buma yuma derekredi, teno pakra sangrepa, nimi yuma kware weik kuprepa, kange mun kange doramengtopu, kunmape.
Atep nun nai Allah, ‘Kandi peptumpa, mutu longna yuma dim peptuopda, angeda pio telepe. Tonda, nun mutu buma yuma lokudi, teno pakamudi, tuai mutu yuma opra embramunge yuma capda, kandi tamupra telep kupra deipsetume,’ tenen moropkepe naio.
Ada, ‘Kandi kange di ton cap tamupra telep kweipsetumpa, nunda men taru telep kurameputopu, ton cap kutepe’ tenen, moropkepe nun nai Allah.
5 Ukupmantoda, nimidi kange yawaramre anggur me weika di jepmengopda, sun kange yawaramrepa, men tenipmanto kuramengtopu kunmape.
Ada, kandi nun tep, kan mawa nesala kunup dinin, ila ikin keca weik kareamsemuma deiki di, nun kange mun kange doupra kunmape. Nun giso yung gum kupseupa, telep kupra kupmanto gum di, nun kangeda men tenipmantongepu kunmape.
6 Dinino, kandi, ‘Angeda kunkamrume, angeda pio men kunkamrume,’ pepra, deiamsemum upupu talepra, dumsisipu kunge nesala tep, kandi, ‘Sun dumsisipu kunge nesalada, ne damai yana kunkamenge’ tenen, peten kemna keca, er sida spanduk utopunge deiki di, konum sekra erepra deipsemuma cadi, kan damaipu sepdara yankamepe.
Apeten kemna keca, er sida spanduk deiki sekra, erepra deipsemum ngeda, epmepedi, ‘Nun pona tep nengdi, mar popsenung’ tenen, menmena di kan damaipu tamupra yankamepe.
7 Atep, uo nun nai Allah, ‘Kan ila puto dumsisi buru deiki di, melipra lyepsetumpa, nundi nun podan neng tep, popra sikke buktaptepe’ tenen, moropkepe naio.
Deiyoda, ‘Kandi bicau tenesemem nesalada, kange di ton cap puto karepsetuma deiki di, nun podan neng tep popra gawal daktepe’ tenen, moropkepe naio.
8 Uo, nun nai Allah, nun podan neng popra gawal dangna tep, kandi aupu konum peipsemume. Ada, kan si eremna ati neitamai dinin, Pio Telep Lengna ati, kan keana taru tep kumarumai di, kan Allahdi konum peipsemum upuda ake.
Ne kange deipnedi, Sikhem mutu yuma popra dalupropnedi, bokrapkamne. Ange utopu, ila ban mutu, er si Sukot mutu peda, popra dopronedi, ‘Er lyom cap, pala capda, ware kupra do?’ tenen, kunumpetena tep, meter dopropnedi, amutu yumada kunupetepra dipetepnedi nukamne.
9 Tek sisi ngeda, ware mutu do yuma, dana-dana tara mutu yumada, popra dopropnyopda, amutu yuma ne mawa tep, pio talenkamne. Amutu tara yumada, popra dopropkamna cadi, domon upu deiki di pepkusene.
Ada, Efraim mutu yumada, ukupmanto gat topi, er si Baja utopu kunerure. Yehuda mutu yumada, ukupmanto ne nimi deiyo nengdi talenge maca utopunge kunerure. Tonda, Gilead mutu cap, Manasye mutu capda, ne konum talenune.
10 Tonda, ila pala mutu, Moab tara mutu yumada, ne yan me kunai utopu kunerure. Tonda, peten kemna tep, ne yan kina loptapnedi, Edom mutu neitamaipu dokotepkamne. Ukupnyopda, nimi yumadi, ‘E, Edom mutu yumada, Allahdi konum talerure’ tenen, kael kemkamenge.
Ange utopu, Filistea mutu neitamai teknedi, ila upu deiki di, ‘Amutu yumada ne mawangepu kurure,’ penkamne. Nimi yumadi ange gekepmengopda, ‘E, Filistea mutu yuma peda, Allahdi konum talerure’ tenen, kael kemkamenge. Allahdi pepu.
11 Upepupa, Israel nesala sun ila nimi deiyo ngebo Rajadi pepu. “Dinino naio, ne podan neng pona tep, ware ngebodi, mepra betupa, ila puto neng ati damai dubenkamner do? Angetopu, ‘Ne pona tep neng porbenkun’ tenen, ware ngebodi, mepra betupa, ila pala mutu, er si Edom tara neitamai dubenkamner do?
12 Asipetepmakena deiyoda, teka nun nai Allah, kandi nun mali kunange tep, konum kaukepra tapsemuma tep, nun pe dipapu ware kuptepe do?
Tonda, ukutaruda, ‘Nun pona tep yu jen talena nengdi mar podankupe’ tenen, embanup taru peda, kan cap kikiman men embanupe. Nun yukpu porbanupe.
13 Nun kaele. Tali tuai nesala tep, ‘Melipseso!’ pepra moroptepepa, yana melipsetenga peda, angeda talipu kupkamre. Tuai nesaladi men melipsetenge.
Atep nun naio, nun podan neng porbana tep nengeda, ‘Kan dipapu melipsetumpa, nun pona tep neng popra gawal daktepe’ tenen, moropkepe naio.
14 Dinino, nun kaele. Nun nai bo Allahdi, yana melipsetua deiki di, nun podan neng yuma tep, popra gawal daktepe. Deiyoda, nun nai bo Allah, er dipapu, nun pona tep neng yuma popra yanipredi, sikke buktapkamre ja!