Psa 9 | XteSC | STEP | Dauddi amut sekudi, Allah upu mut pena deiyo ngebo tep karepu. Tonda, ‘Yuk mut, er si Mut-Laben lelim peramretopu, amut peda utopu penkamrume,’ pepu.

Psalms 9

Allahda, pio dumsisipu kurura cadi, er tep morona cap, ‘Telepe’ pena cap upu

1 Dauddi amut sekudi, Allah upu mut pena deiyo ngebo tep karepu. Tonda, ‘Yuk mut, er si Mut-Laben lelim peramretopu, amut peda utopu penkamrume,’ pepu.
2 Ne kange dipru neitamai yuma deiki di, ne nai Allah Yahweh tep, “Pio telepe,” pepkene. Tonda, Allah ^{▼▼Allah – Acada, Ibrani upu deiki di, Allah er si tep, ‘Allah Elyon’ pepra seki. Aupu deiyoda, sun kael kemna tep, angeda konum jenek kupra sekmepu.} kandi akeca-keca yuma talepra, pio deiki tara kurumdi, Ila Puto Eremna Ngebodi, pio kunupsek pena pel dorum ngeda, ‘Yuk neng ton gekenkameng’ tenen, lap penkamne.
3 Nedi kan tenpu tep, kange deipnedi pio pingping kange doupra kunkamne Uo, ne nai Allah, kanda akeca-keca yuma talepra, deiki tara erepra, ila puto weik ngebo kuruma tep, kan sipu erepnedi, kan si tep, “Pio telepe,” penkamkene.
4 Ne pona tep neng, poryaramnei taruda, sun kware kupupa, kange di tamupra sepdara bendopi. Kan Allahdi, ne podan neng tep popmem taruda, bisi neitamaipu bandenka, yan giso dukrepa, saka dourbena, kan damai adipapu denunge.
5 Deiyoda, mali nengdi ne tep, minina upu pekenung dinin, kan pio melimneruma deiki di, sun upu bongdina deiyo nengdi, amok upu men gekengedi, ‘Gume, angeboda, tupa dumsisipu kurure,’ tenenenunge.
Tonda, kanda ila nimi deiyo ngebo kuruma tep, kan bunga keca, er si takhta deiki bukmemdi, kandi pesemem upu akuretopu kupra, dumsisipu upu bongdiserume.
6 Ware yuk-yuk mutu nesala do yuma, kandi sun mali keca talepra kununga tep nengeda, sun tep, ‘Angeda pio men kunkamrume,’ pepra wenemrume. Tonda, sun pio mali-mali weik kunge nesalada, kandi konum popra gawal dakmume.
Aneng tep, popra sikke buktapmum pangeda, yuk nesala yumadi, sun si ton pio men tenenkamenge. Pio mali kunge nengda, yuk nengdi sun sida, lumdongonapu kunkamenge.
7 Aneng tep, popra sikke buktapmum pangeda, yuk nesala yumadi, sun si ton pio men tenenkamenge. Pio mali kunge nengda, yuk nengdi sun sida, lumdongonapu kunkamenge. Sun mali kurami nesaladi domi ati arum yumada, konum popra sikke buktapmume.
Atep, anesala cap, sundi domi ati-ati yuma capda, sikke buktapmumpa, yuk nesala yumadi, sun tep, kange di tamupra pio men tenenunge. Lumdongonapu kununge.
8 Dinino, nun nai Allah Yahweh, kandi akeca-keca yuma talepra, ila nimi deiyo ngebo kupra pio tep kunkamrume. Atep ne Allahdi, tahkta deiki buknedi, akeca-keca yuma talepnedi, ‘Angeda kunkamrume, angeda pio men kunkamrume,’ pesenetopu kupra, pio dumsisipu upu bongdinkamsene.
9 Allahdi, ne tahkta deiki buknedi, akeca-keca yuma talepnedi, ‘Angeda kunkamrume, angeda pio men kunkamrume,’ konum peipsisitopu kupra, tuai mutu kunge nesala ban-ban yuma tep, pio dumsisipu upu bongdinkamsene.
Angetopu, tuai nesala ban-ban yuma tep, nundi kurameptopu kupra, upu bokseredi, wenepkamsere. Atep, ton tara neng tep, ‘E sunda ne kayapu’ tenen, men kaukepkamre. Tuai nesala yuma tep nengeda, dumsisi katuai dipapu upu bongdinkamserure.
10 Ware kan-kan kunge nesala do yuma, yuk nengdi yanipmengopda, amutarapu kunung dinin, Allah Yahwehdi, anesala tep pio melipra kalengkamre. Atep nengeda, ila kange mun keca sun damai yankamre taruda, Allahdi sun ikin kuprepa, amutara kunge nesala tep, puto di melipra kalengkamre ja!
11 Uo Allah Yahweh, kan si tep konum kael keami nesaladi, kan sipu tenepmengedi, kan tepapu teka tenepra, teleppu kunkamenge. Ange deiyoda ake. Ada, ware neng do yuma, sundi kan tep, ‘Er dipapu melipsetue’ tenen, kan tepapu ekenung nesalada, kandi pio men tamrume. Tupa tenepsememdi, pio melimserume.
12 Nimi yuma gekepneso! Nun nai bo Allah Yahweh tep, “Kanda pio teleppu kurume,” pepra, er si eremrumudi, er gispal dona tep, kange lon mutda, Sion mutu deiki di amut penkamrume.
Allah puto deiki di pel dorur ngeda, tuai nesala ban-ban yuma, dakunge nesala, sun gekenai yuma lap perbenkamrume.
13 Er tep penkamruma deiyoda ake. Dan mutu neitamai di do yuma, ton nengdi, yuk neng tep popmengepa donkamenge. Ukupmengepa, Allah epredi kwang dangkamre ja!
Yu nengdi, yuk nesala tep, yanipmengedi, ikin keca sun nong deiki deipmengepa, engeramenge pangeda, Allah gekepredi, pio men lumdongorure.
14 Uo, teka ne nai Allah Yahweh, ‘Ne mali kuramsinge tep, dakwapye’ tenen, adipapu wenepnetum dinin, ‘Bicau tenepnetumdi, telep kweipnetum’ tenena tep moropkene. Yu nengdi, ne tep, ‘Angeboda nun pio songe,’ tenepnengedi, ikin keca weik ne nong deiki derinenung ngeda, kandi moupra dinkurume naio!
Sundi ikin weik kweipnengepa, neda konum kunungna bisi buplan damai benmasi dinin, kan dipapu, ne nong dopra ereipnemumpa, gam tupa kunune.
15 Ukunerum ngeda, tali tep guma. Deiyoda, ‘Angeboda, ne Allahdi pio telep-telep kupra kunun keca tupa lap penkamre’ tenen, lyemdonerume.
Allah kandi pio telep kurum keca tep, lap penkamnaida, Yerusalem mutu neitamai ongopdongopra wiami gel beilya neitamai, buplan potokamyai, nimi yuma bulumnungai di lap penkamne.
Upepne pangeda, sun yuma gekepmengedi, ‘Uo, tek sisi Allahdi lyemserure,’ pepra, kan si tepapu eremkamkenge.
16 Sun mutu ban-ban yuma, yala yuk-yuk dakunge nesala yumada, ‘Nimi popkamep’ tenen, keteneipi ngeda, akeca sun pe nong deikipu tamupra yankamre.
Ukupmantoda, nimidi ‘Gam keca popkup’ tenen, tu paliamenga pumbon dinin, mankau kange doupra embandenkap, sun pedi palipi tu pumbonpu saka popdanunge.
Ange utopu, nimidi ton, ‘Bura bisam do? Yua bisam do? Talepkamre’ tenen, tapu inipra deriramengtopu, ayu nesala peda, sundi yuk neng tep, mali keca dopra deringe ngeda, tamupra yaredi, sun pe nong deikipu kupkamre ja!
17 Allah Yahwehdi, ‘Nimi tuai nesala ban-ban yuma kunge nengdi, kael kepkamneng’ tenen, er kure kecada, konum katuai keipupa, nundi dinupe.
Tenpu ngeda, erdi, nimi tuai nesala yuma tep, er upu peseretopu, dumsisi kupra upu bokeipkamsere. Ukupkamsera tep, sun kange dipru neitama di, mali kunge nesalada, mali kuna deikipu kungedi ketenem deringe ngeda, sun pe deikipu tamupra yankamre ja!
Ada sun pe buru deiki di, mali kunge kecada, konum keteneipya cadi, sun pe deikipu tamupra yankamre ja!
18 Sun kange dipru neitamai di, mali kunge nesalada, konum depmengopda, adipapu uku jen ban, er sida Sheol, amutupu bena kunkamenge.
Tonda, ware yuk-yuk yala nesala do yuma, yuk-yuk mutu kungedi, Allah tep, teka tenena gum dipapu, er tep pio men tenenung nesala peda, konum depmengopda, Sheol mutupu bena kunkamenge.
19 Akeca-keca yuma men talengedi, tali kan-kan kunge nesalada, Allahdi pio tep men lupronkamre. Amenda taruda, sun pio ikin kange doupra kunge nesala ton lyepropkamre.
Ange utopu, sun pio kan-kan nesaladi, ‘Uo, nun peda telep kutepe’ tenen, pio putanapu kure ngeda, pio tep, men gum kupkamre. Gume, Allahdi anesala peda, lyepropkamre ja!
20 Atep nengeda, nun nai Allah Yahweh, kan tep moropkepe. Ada, ‘Tali tuai mutu ban-ban yuma kunge nesaladi, ‘Ukupkamepe,’ tenenge keca deiki di, ‘Yuk keca yumada, bisiprur’ tenen, kan Yahwehdi, aneng wenepmemdi, sun tep upu sengkamrume.
Tonda, yala yuk-yuk nesala yumada, mutu-mutu ban-ban yuma, yuk-yuk dakunung nengda, kan damai yangopda, kan Allah dipapu sun tep, upu bokeipmemdi, wenepkamrume.
21 Tonda, ‘Sun pedi kange erepdanung’ tenen, tek sisi kanda Allah Yahwehdi, sun dipru neitamaida, ila kware kun keca karepmempa, kware weik kunkamenge.
Ada, kandi karepmempa, sun yala yuk-yuk nesala yumadi, ‘E, teka, nunda ila puto neng men kunupe. Tali tuai nesalapu kunupe,’ tenepmengedi, kael kepkamenga tepa.