Amo 9:11-12 | XteSC | STEP | Allahdi peipu. “Ne tenepsi taru konum kupre pangeda, Daud er buru deiki di taleamu nesala cap, taleamu keca cap, mutu capda, nedi ka tamupra telep kupra deipkamne. Ukupmantoda, Daud er domu ati dela yuma, pun deipudi daksaku ngeda, kange di punupra dukdongopnedi, dopra telep kupra deipkamne. Ukutaruda, amutu neitamai ati dominge cap, gel beilya wiraminge cap, akeca yumada, yuk mutu nengdi yana urupra tapkamenge. Ukupkameng dinino, amenda taruda, ne Allahdi alyom gel beilya wiaminge cap, sun ati cap, akeca-keca yuma, pio telep kamotopu ka di tamupra telep kupra deipkamne. Ukupnepa, pumun taru pio telep kwamutopu kunkamre.

Amos 9:11-12

“Allahdi Israel nesala tep weneprepane, amenda taru tamupra telep kupra deipkamre,” pepu upu

11 Allahdi peipu. “Ne tenepsi taru konum kupre pangeda, Daud er buru deiki di taleamu nesala cap, taleamu keca cap, mutu capda, nedi ka tamupra telep kupra deipkamne. Ukupmantoda, Daud er domu ati dela yuma, pun deipudi daksaku ngeda, kange di punupra dukdongopnedi, dopra telep kupra deipkamne. Ukutaruda, amutu neitamai ati dominge cap, gel beilya wiraminge cap, akeca yumada, yuk mutu nengdi yana urupra tapkamenge. Ukupkameng dinino, amenda taruda, ne Allahdi alyom gel beilya wiaminge cap, sun ati cap, akeca-keca yuma, pio telep kamotopu ka di tamupra telep kupra deipkamne. Ukupnepa, pumun taru pio telep kwamutopu kunkamre.

12 Kange di tamupra telep kupra deipkamsena deiyoda, ake. Ada, amenda taru gam kunkameng Israel yala nesaladi, Edom mutu tupa gawal kapkamre mutu yuma dopra talenkamenge. Tonda, ware mutu nesala do yuma, ne tep, si eremkamneng nesala yuma peda, Israel nesaladi aneng yuma talengedi, sun deiyo nesala kunkamenge. Ange yumada, tek sisi nong kupkamre. Deiyoda, ne Allah Yahwehdi pepsena tep, apepmasen upu yumada, tek sisi nong kupkamre ja.” Allahdi pepu.