Mat 12:43-45 | XteSC | STEP | Upepu dingeda, aupu ton pepu. “Sunda, kange moupso. Isok-isok yuma nimi dipru neitamai taleamyanen, gupra beredi, ‘Dan cei beipye peiktene do?’ tenen, me pio gumai dipra embaramyanen, telepai men epyopda, kange di tamupra, er men di taleamre ngebo damaipu tamupra yakarure.

Matthew 12:43-45

43 Upepu dingeda, aupu ton pepu.

“Sunda, kange moupso. Isok-isok yuma nimi dipru neitamai taleamyanen, gupra beredi, ‘Dan cei beipye peiktene do?’ tenen, me pio gumai dipra embaramyanen, telepai men epyopda, kange di tamupra, er men di taleamre ngebo damaipu tamupra yakarure. 44 Ukupmantoda, yana dinmarepa, er men di kuramya ati neitamaida, ason cap, derin keca yuma cap, telep kwamredi, nesala ton kuna gum tep, ‘E, akatida, go tupa kupka tep, acapu wekra kunkamne,’ tenepra wengrure.

45 Utenepredi, erda yambul yu dinin, ila yu isok yoneitam bari bena dopra yarepa, sun yuma angebo er dipru neitamai wekra kununge. Angebo er dipru taleamre ngeda, yambula di mali kuramrur dinin, ataruda, pio ila mali kurure.” Yesusdi pepu.

Ada, Yesusdi, “Aupu pepmasentopu, sun peda, men di mali kuramum keca yambula di konum taprum dinin, dipru go kapmasere ngeda, Allahdi nesala yuma talenkamre taru pesene upuda, men talepmum dingeda, ‘Amenda taru pio mali weik kunkamrume’ tenen, pepsene,” pepu.