Mat 12:46-50 | XteSC | STEP | Yesus akati bukmaudi, awekmai neng tep upu penmau taruda, er nin sisa cap, er weit yapu sisa capdi, ‘Yesus cap upu kikiman taleptepe’ tenen, Yesus er damai yai. Ati dam yana tekidi, ‘Yuk nengdi Yesus tep, bena lap peipkununga’ tenen, peipi.

Matthew 12:46-50

Yesusdi, “Nanin utopu nerapu cap, ne weit yapu utopu neng cap, sun pua,” pepu upu

(Markus 3:31-35; Lukas 8:19-21)

46 Yesus akati bukmaudi, awekmai neng tep upu penmau taruda, er nin sisa cap, er weit yapu sisa capdi, ‘Yesus cap upu kikiman taleptepe’ tenen, Yesus er damai yai. Ati dam yana tekidi, ‘Yuk nengdi Yesus tep, bena lap peipkununga’ tenen, peipi. 47 Anengdi, Yesus tep pepi. “Kan nin yapu cap, kan weit yapu cap, ati dam tengyanmangdi enmakenge,” pepi. 48 Upepi pangeda, Yesusdi, ‘Ne pepne upuda, sun moupra tenepkameng’ tenen, aneng tep asipetepu. “Nanin yapu cap, ne weit yapu capda, ware nesala do?” pepra asipetepu. 49 Upepu dingeda, Yesusdi er upu gekepra, melipra embarami neng tep, buru dum bupukudi aupu pepu. “Nanin yapu cap, ne weit yapu cap utopu nesalada, sun akunmarum nesala, sun konuma. 50 Ware nesala do yuma, Allahdi ‘Ukunkamenge,’ tenerurtopu pel doramenge nesala yuma tep, sunda, ne weit yapu cap, ne weit nerapu cap, nanin yapu cap, utopu nesala kununge,” Yesusdi pepu.