Luk 5:33-39 | ZmbSC | STEP | Bamɔ Bafalisayɔ na kosaolea Yɛsu itɛ: «Baeyechwa ba Yɔana ne biito, batwiyaya kotaasi kolya ne kɔsɔa, be kwao bae mo kolya ne kɔsɔa.»

Luke 5:33-39

Bamɔ Bafalisayɔ bae mɔ kɔɔcha na Yɛsu

(Mat 9:14-17; Mali 2:18-22)

33 Bamɔ Bafalisayɔ na kosaolea Yɛsu itɛ: «Baeyechwa ba Yɔana ne biito, batwiyaya kotaasi kolya ne kɔsɔa, be kwao bae mo kolya ne kɔsɔa.»

34 Yɛsu na kobasaolea: «Mutuninga itɛ muunaɔsɔna kuchibea baa baitaniwee ko ketokoyoo kye ilangya itɛ balechaya ne moome mwɛɛnɛ we ilangya kɔmɔɔsa nabɔ? Kuusi! 35 Keeko ketabe, olya moome mwɛɛnɛ we ilangya, otatoswe asambea abɔ. Mo maɔ masu ne ataikɔnɛkyɛ abɔ kolya.»

36 Yɛsu na kobasaolea bwakaɛ kee kisinga: «Kuusi mondo otokoka kɔbɛmba kyunda kye ngubɔ meyameya na kɔkɛtɛcha ku ngubɔ yee kaɛ. Ndasoketa bɔbɔ, kyunda kye ngubɔ meyameya kekabundane bwaachi na kea kye kaɛ. 37 Bwakaɛ, kuusi mondo ɔtɔɔsɔna kwiteela lifai leyaleya monda mwee mosao wɛ kɛkɔba ^{▼▼mosao wɛ kɛkɔba Bayula babechaya mo kokaa lifai lyabɔ mɔ mesao yee bikɔba biyabiya, kɔmɔa abyo bingaateka ɔbɛɛ lifai lesoemba. Babechaya mo koketa bobo kɔmɔa mesao yee bikɔba bye kaɛ, byaba biɔlɛbɛa, kabee byekoateka lobeo. Kɛɔ kisinga kɛtɔɔcha bobo: makomo maeyecha Yɛsu maba mayamaya mataasi kutuungwana na bikete byabea bye kaɛ.} kye kaɛ waba mosao wasɛngiwa nɛ kɛkɔba kye mbuchi. Olya otoketa bɔbɔ, otatome lea lifai leyaleya koata elya mesao, lifai letaiteke, ne mesao ɛtaɔnɛkɛ bokata. 38 Bie bwaachi lifai leyaleya liingee mo mosao wɛ bikɔba biyabiya. 39 Kuusi mondo ɔɔsɔa lifai lye kaɛ otakonde kabee kɔsɔa lifai leyaleya. Kɔ kɔmɔa otaɔchɛ itɛ: ‹Lifai lye kaɛ ne lyaachi koeta!›»