Mark 15
Yɛsu usuiɔchɛ ko myanda yaakɛ kombaa kwa Pilatɔ
(Mat 27:1-2,11-14; Luk 23:1-5; Yɔa 18:28-38)
1Aolea mambombe, bakoo be Mapatili, ne baeyechi be Salia, amɔsa ne bakoo be Bayula, ne kɔɔcha itɛ Lobanja lokoo lwe Bayula, na kukumbakana kɔ kɔbɛmba makomo. Kɔmɔngɔ na kokaka Yɛsu, na koya kwa kwamooche ko Mokoo we Balɔma utuitanwa Pilatɔ. 2Pilatɔ na komobocha Yɛsu: «Awɛ ne Nombe yee Bayula?» Yɛsu na komosaolea: «Awɛ nɛ ɔsɔɔcha bɔbɔ!» 3Bakoo be mapatili na komoendea Yɛsu makomo mabua. 4Kɔ bɔbɔ, Pilatɔ na komobocha kabee: «Ndɔtɔɔcha kyɛndɔ ko mama makomo masɛ matokoendea abɔ?» 5Yɛsu ndaamboa kabee. Konyamea koa na kokanyakanya Pilatɔ byabua.Pilatɔ uswimenya bamuchie Yɛsu
(Mat 27:15-26; Luk 23:13-25; Yɔa 18:39–19:16)
6Ko ketokoyoo ke Pasaka, Pilatɔ wasoolaya mondo ɔmɔɔsa we muyɔɔlɔ; olya waɛngɛa ndongo. 7Kwabɛchaya wakakiwa ɔmɔɔsa naakɛ waitanewaa Balaba. Olya Balaba, wakakiwa kɔmɔɔsa ne bakinɛ bachia mondo, akɔna abɔ bye Balɔma. 8Ndongo yee bando, na komoyea Pilatɔ, na kobangoa kɔmɔɛngɛa obaketee bwabaketeaya awɛ. 9Pilatɔ na kobabocha: «Motoekya nabasaolee Nombe yee Bayula?» 10Waɔcha bɔbɔ kɔmɔa wacheba itɛ, ko kekee, bakoo be mapatili babɛa baolamboa Yɛsu. 11Alakini bakoo be Mapatili na kusukua ndongo itɛ babasoolee Balaba. 12Pilatɔ, na kobocha bando kabee: «Motoekya nakete booni na olya utuitana banu Nombe yee Bayula?» 13Abɔ na komosaolea mo kokandoka: «Muchia ko mote we maakanu!» 14Pilatɔ na kobabocha kabee: «Oketee boke bwabea?» Alakini na koseboa kokandoka: «Muchia ko mote we maakanu!» 15Kokonda ndongo iimɛmɛ, Pilatɔ na kobasoolea Balaba. Ne komoameekya Yɛsu fimbɔ, kusia na komoocha bamuchie ko mote we maakanu.Bakɔlɔbɔyɔ basɔkyɛta Yɛsu
(Mat 27:27-31; Yɔa 19:2-3)
16Kɔmɔngɔ kwe bɔbɔ Bakɔlɔbɔyɔ na koya na Yɛsu mo kyambaa kye mokoo we mɔsɛngɛ. Abɔ na kwitana ndongo yaabɔ ɛɛsɛ. 17Abɔ na komoweka Yɛsu kanjo yee soo, ▼▼Ko Bayula kanjo yee soo yabɛchaya ne ngubɔ yee boombe.
abɔ na kooka kekombo kye mɛkɛɛ na komobweka ko motwe. 18Kɔmɔngɔ na batae komwinokea: «mɔyɔ ee Nombe yee Bayula!» 19Abɔ na kwamokomoaye mɔtɔnga mo motwe, kumutuela sɔki, na kɔmɔkɔmɛa malu makɔngɔ kombaa kwakɛ. 20Kɔmɔngɔ kwe kɔmɔkyɛta, abɔ na kumuucha elya kanjo yee soo, ne komobweka kabee ngubɔ chaakɛ. Kusia na koya naakɛ anjɛ kwa mɔtɛchɛ ko mote we maakanu. Yɛsu osobekwa ko mote we maakanu
(Mat 27:32-44; Luk 23:26-43; Yɔa 19:17-27)
21Abɛchaya abɔ mo njea na kobanga mondo ɔmɔɔsa waitanewaya Simɔni, mo kotokea ko masio. Oona Simɔni, wabɛchaya we kalya ke Kulɛnɛ, kabee wabɛchaya isa Alɛkisandɛlɛ na Lufu. Bakɔlɔbɔyɔ na komwendekya mote we maakanu kɔ bɔkɛtɛ. 22Baa Bakɔlɔbɔyɔ na kochaa Yɛsu a iboa lyaitaniwaya Kɔlɔkɔta, nɛ kɔɔcha itɛ «a iboa lye Kabacha ke motwe.» 23Abɔ na kɔmɔɛcha Lifai lyasambiwa ne Manɛmanɛ, alakini awɛ ndalɛsɔa. 24Kɔmɔngɔ, abɔ na kumuchia ko mote we maakanu. Ngubɔ chaakɛ, na kuchiabanya koetea kasɔbɔsɔbɔ, kɔmɔa bachebe ɔɔsɛ waabɔ otakonje eeni. 25Atɛcha abɔ Yɛsu ko mote we maakanu, yaba ne saa kɛtɛma yee mambombe. 26Byakunya tuchimba mo nganda mwe motwe wa Yɛsu, tyachebekya ko eke kwa muchiela abɔ. Bakunya: «Nombe yee Bayula.» 27Baa Bakɔlɔbɔyɔ batɛcha bwakaɛ ngiba chibee ko Mete yee maakanu mɔsɛɛsɛ mwa Yɛsu, ɔmɔ saa ndome yaakɛ, ukinɛ saangachi yaakɛ. [ 28Byakunyiwa bya ama nɛ kɔmɔɛka, bitɔɔcha bobo: «Wabaekiwa kɔmɔɔsa ne bando babea.» ▼] 29Bando babɛchaya mo koeta alya, babɛchaya mɔ kɔmɔbɛngɛa na kɔmɔbɛngɛa mo kopokomya metwe yaabɔ na komosaolea: «Ee oona inde waɔchaya itɛ otasunjue ndabo ya Kakua, ne mo masu masato otamɛyɛngɛ kabee! 30Ko leno uiyolole awɛ mwɛɛnɛ, iikya ko olya mote we maakanu!» 31Bwakaɛ bɔbɔ, bakoo be mapatili na baeyechi be Salia na kɔkyɛa Yɛsu na kobangoa kɔɔcha asambea abɔ: «Mɔlɔlɛ ɔbɛɛ mo koolola bakinɛ, alakini awɛ mwɛɛnɛ osoomaa kwiolosa. 32Kɔ bɔbɔ ingɛ awɛ ne Kilisito, Nombe yee Baisilaɛli, uiikye ano ano ko olya mote we maakanu, na bae twimɔɛnɛ ne tumwimenye!». Ɔbɛɛ chia ngiba chachiiwa naakɛ amɔsa ko mete yee maakanu, chabɛchaya nacho mɔ kɔmɔbɛngɛa.Kokwa kwa Yɛsu
(Mat 27:45-56; Luk 23:44-49; Yɔa 19:28-30)
33Aolea mwingya chooba, ikunyɛ na kobwekea mɔsɛngɛ ɔɔsɛ, koolea ne saa kɛtɛma. 34Aoleayo saa kɛtɛma, Yɛsu na kokandoka ne chuuki lya yanaka: «Eloi eloi, lama sabakitani?» ɛtɔɔcha: «Ee Kakua kaanɛ, ee Kakua kaanɛ, ko eke kɔtɔndɛkɛa awɛ?» ▼ 35Bando bamɔchi ko baa babɛchaya alya aungwa abɔ bɔbɔ na kɔɔcha: «Muungwe ee bando, oe mu kwitana Ɛlia!» 36Ɔmɔ mondo mwingya abɔ, na kochoka lobeo kwaubeke kilɛmbɛ mu Lifai lyachaa, kokekaka ko mɔtɔnga. kusia na komokobechea Yɛsu ɔlɛsɔɛ. Na kɔɔcha: «Mɔlɛkɛɛ tɔtalɔla ingɛ Ɛlia otabee kwa mwikye ko mote we maakanu.» 37Alakini Yɛsu, na kokandoka kabee ne chuuki lya yanaka. Kusia na kɔbɛmba motema. 38Akaɛ alya, Pasia yaɛmbaya mo Ɛkalu na koateka biba bibee, konganda ne kose. 39Alya abɛchaya Mokoo ɔmɔ we bakɔlɔbɔyɔ be Balɔma waemana kombaa Yɛsu. Amɔa awɛ Yɛsu ɔsɔbɛmba motema na kɔɔcha: «Kiinɛkinɛ, ona mondo waba Mwaana wa Kakua!» 40Kwaba kabee baa bakachi balɔlaya kwe njɔɔ. Asambea abɔ kwabɛchaya Malia we Makitalɛna, na Malia inakɛ na Yakɔbɔ na Yɔsɛ, ne mwamokachi ukinɛ we chiina lya Salɔmɛ, 41Baba babakachi ne bayeaya Yɛsu ne komosangyea biewa abɛchaya awɛ Kalilaya. Kabee kwabɛchaya bakinɛ babakachi babua banena naakɛ Yɛlusalɛma.Yusufu osocheka Yɛsu
(Mat 27:57-61; Luk 23:50-56; Yɔa 19:38-42)
42– 43Aolea kyɔlwa, na koolea mwamoome ɔmɔɔsa waitanewa Yusufu, mondo we kalya ke Alimatɛa. Oolya Yusufu wabɛchaya mondo we bɔnyɛmu mo Lobanja lokoo kye Bayula. Kabee wabaelaya koolea kwe boommbe bwa Kakua. Awɛ na kokemya motema ne koya kwa Pilatɔ kwaɛngɛɛ ketomba kya Yɛsu, kɔmɔa loa lusu ne lwabɛchaya lwe kosangya sabatɔ. 44Pilatɔ na kokanakana kuungwa itɛ Yɛsu ususiakokwa. kɔ bɔbɔ awɛ na kwitana mokoo we bakɔlɔbɔyɔ omoboche ingɛ asoeta kyanya kyalɛa akwee Yɛsu. 45Olya mokoo we Bakɔlɔbɔyɔ na kusingeecha itɛ Yɛsu ususia kokwa. Alya ne aimenya Pilatɔ itɛ Yusufu oende ketomba. 46Yusufu na koya kwaole sanda, na kwikya mobee wa Yɛsu ko mote we maakanu, na kumuchingea ne sanda. Na komocheka mo manda yafɔiwa mwiwɛ. Kusia na kutungumua kɛwɛ ku mukinda we manda. 47Malia we Makitalɛna na Malia inakɛ na Yɔsɛ, balɔlaya iboa lya chekea abɔ Yɛsu.
Copyright information for
ZmbSC