Mar 14:66-72 | ZmbSC | STEP | Abɛchaya Pɛtɛlɔ mu kuchikaa mbanga yee kose kwe kyambaa, ɔmɔ mokambi wemwamokachi we Mokoo we Mapatili na koolea alya.

Mark 14:66-72

Pɛtɛlɔ osomotena Yɛsu

(Mat 26:69-75; Luk 22:56-62; Yɔa 18:15-18,25-27)

66 Abɛchaya Pɛtɛlɔ mu kuchikaa mbanga yee kose kwe kyambaa, ɔmɔ mokambi wemwamokachi we Mokoo we Mapatili na koolea alya. 67 Na kɔmɔa Pɛtɛlɔ oe mɔ kɔɔndaa toya. Olya mwamokachi na komoyongobechea miisɔ ne komosaolea itɛ: «Na awɛ bwakaɛ, ɔbɛɛ na Yɛsu we Nasalɛti!» 68 Alakini Pɛtɛlɔ na kotona ne kɔɔcha: «Me sicheba mamɔ makomo matoenga awɛ kɔɔcha.» Kusia Pɛtɛlɔ na koya anjɛ a mukinda we kyambaa; akaɛ alya moome wɛ ngɔkɔ na kobeengana.

69 Oolya mwamokachi amɔa awɛ Pɛtɛlɔ osoemaa ku mukinda we kea kyambaa na kɔɔcha: Oona ne ɔmɔ ko baa bando! 70 Alakini Pɛtɛlɔ na komotona kabee. Kɔmɔngɔ, baa baba alya na kɔɔtɔkɛa kosaolea Pɛtɛlɔ kabee: «Kiinɛkinɛ, awɛ oe ɔmɔ waabɔ, Kɔmɔa oe mondo we Kalilaya!» 71 Kɔ bɔbɔ Pɛtɛlɔ na kobangoa kotona na kɔɔcha: «Ingɛ nasɔɔcha manu, Kakua ongimoe! Kiinɛkinɛ, olya mondo ɔtɔɔcha banu, mee ngɔmɔa basɛ simocheba!»

72 Akaɛ alya, moome wɛ ngɔkɔ na kobeengana kabee. Pɛtɛlɔ na koeyoka chuki lya Yɛsu lyaɔcha awɛ: «Kombaa kwe ngɔkɔ kobeengana ngongobwa mabee, ɔtabɛ osondona ngongobwa chisato.» Pɛtɛlɔ na kobangoa kolela.