Luke 11:14-23
Yɛsu osobochiwa Bɛlɛsɛbulu
(Mat 12:22-30; Mali 3:22-27)
14Awɛ waba oe mu kulikita isombo lyaba kaluma. Atoka lea isombo mu ilebe alyo na kɔɔcha: ndongo na kokanakana 15Bakinɛ asambea abɔ na kɔɔcha: «Otoocha masombo kɔ bɔkɛtɛ bwa Bɛlɛsɛbulu, mokoo we masombo.» 16Bakinɛ na kɔmɔɛlɛka mo koenga bisinga bye kotoka kwiyoo. 17Awɛ wacheba lokani lwabɔ, na kobasaolea: «Boombe bɔɔsɛ botosambokana bɔtɔɔnɛka; nɛ ɛɛsɛ ndabo etosambokana etakee. 18Kabee, ingɛ Isombo lisuchiana bita naalyo lyɛɛnɛ, booni botaemae boombe bwakɛ? Mɔtɔɔcha itɛ, nae mukulikita masombo ne kɔmɔa nakongee bɔkɛtɛ bwa Bɛlɛsɛbulu. 19Ingɛ mee natulikita masombo kɔ bɔkɛtɛ bwa Bɛlɛsɛbulu, baana binu batulikita masombo kɔ bɔkɛtɛ bwa naani? 20Ingɛ mee natulikita masombo kɔ bɔkɛtɛ bwa Kakua, kɔ bɔbɔ, boombe bwa Kakua bosoolea kwinu. 21«Ingɛ mondo we bɔkɛtɛ, nɛ byɛla byakɛ, oe mo kosanga ndabo yaakɛ, byɛndɔ byakɛ bitaongwe byaachi. 22Ingɛ mondo ukinɛ oe nɛ bɔkɛtɛ komweta olya osoolea kwakɛ na komokanga, awɛ otamobakoe byɛla byakɛ biisɛ bibee awɛ mo koekekea, na koabanya byɛndɔ bibakoee awɛ. 23«Ɔɔsɛ mondo otaasi naanɛ kɔmɔɔsa ne moangani naanɛ, na olya otaasi ndatosombecha naanɛ oe ne mo kosanja.»
Copyright information for
ZmbSC