Luke 20:1-8
Boombe bwa Yɛsu bɔɔkɔniwa
(Mat 21:23-27; Mali 11:27-33)
1Lɔmɔ lusu Yɛsu wabɛchaya mɔ Ɛkalu mo koeyecha bando Ilɔngɔ Lyaachi. Bakoo be basia ne baeyechi be Salia kɔmɔɔsa ne bakoo bɛ mɔsɛngɛ bamoyea na komobocha: 2na komosaolea: «Tosaolea naani okotomee koketa bia biemo, nɛ kɔ bɔkɛtɛ bwa naani kutubiketa awɛ?» 3Awɛ na kobasaolea: «Na mee bwakaɛ; ningababocha lɛmɔ ikomo, monjaolee: 4Bɔkɛtɛ bwe kwina bando mbuu bwa Yɔana botokee kwa naani? Kwa Kakua ɔbɛɛ ko bando?» 5Ko boa abɔ na kwiɔchɛa asambea abɔ: «Ingɛ tosomosaolea itɛ bɔkɛtɛ bwakɛ botokee kwa Kakua, otatoboche: ‹Ko eke banu ndemwaimenya Yɔana?› 6Ingɛ tɔsɔɔcha itɛ botokee ko bando, bando basɛ batatolalee mawɛ, kɔmɔa batuimenya basɛ itɛ Yɔana wabɛchaya ne ndɛnda ya Kakua.» 7Kɔ bɔbɔ abɔ na komosaolea itɛ bacheba kotokee bɔkɛtɛ bwa Yɔana. 8Yɛsu na kobasaolea: «Na mee kabee sikabasaolee kɔ bɔkɛtɛ bwa naani kotoketa mee bii.»
Copyright information for
ZmbSC