Luk 22:47-53 | ZmbSC | STEP | Yɛsu wabɛa ndanasiecha kɔɔcha, lɔla, ndongo mekataa na koolea, kombaa. Kombaa kwabɔ kwaba Yula ɔmɔ ko baa ikumi ne babee, na kumwisɛɛnɛa Yɛsu itɛ ɔmɔɛnyɛ.

Luke 22:47-53

Kubundwa kwa Yɛsu

(Mat 26:47-56; Mali 14:43-50; Yɔa 18:3-11)

47 Yɛsu wabɛa ndanasiecha kɔɔcha, lɔla, ndongo mekataa na koolea, kombaa. Kombaa kwabɔ kwaba Yula ɔmɔ ko baa ikumi ne babee, na kumwisɛɛnɛa Yɛsu itɛ ɔmɔɛnyɛ. 48 Yɛsu na komosaolea: «Yula, osonamboa mee Mwaana we Mondo ko njea yɛ kɔɛnya?»

49 Baa baeyechwa, amɔa abɔ makomo mangaketeka, na kobocha Yɛsu: «Mwaame, tɔbabɛmbɛ na biyɔma?» 50 Ne akaɛ alya, ɔmɔ waabɔ na kokomoa mokambi we musia mokoo ne kɔmɔbɛmba itwe lyaakɛ lee saa ndome. 51 Yɛsu na kobasaolea: «Mɔlɛkɛɛ! Bia biokoka!» Kusia na kɔkɔbɔcha itwe lya olya mondo wabɛmbiwa, na komoolola.

52 Kusia Yɛsu na kutulukea akaɛ ko bakoo be basia, ne bakoo be basangi be Ɛkalu ne bakoo bɛ mɔsɛngɛ we Bayula baa babaka kwamubunde: «Mosobaka ne biyɔma, nɛ mɛnɔmbɔ boe bae mo koya kwabunde ngiba? 53 Nabɛchaye niinu masu masɛ mɔ Ɛkalu, naa ne mondo ɔmɔ ndambunda; keno kyanya ne kinu, kabee ne kyanya ke konyaa ke mokoo we ikunyɛ.»