Luk 5:1-11 | ZmbSC | STEP | Lɔmɔ lusu, awɛ Yɛsu waba mo mweema mɔ mɔkɔngɛ we kichibachiba kye Kɛnɛsalɛti ne ndongo yee bando, na kumwisɛnɛnɛa itɛ baungwe ikomo lya Kakua.

Luke 5:1-11

Yɛsu ɔsɔsɔbɔa baeyechwa

(Mat 4:18-22; Mali 1:16-20)

1 Lɔmɔ lusu, awɛ Yɛsu waba mo mweema mɔ mɔkɔngɛ we kichibachiba kye Kɛnɛsalɛti ^{▼▼kichibachiba kye Kɛnɛsalɛti Kɛkyɔ kichibachiba kitwitaniwa kabee, kichibachiba kye Kalilaya.} ne ndongo yee bando, na kumwisɛnɛnɛa itɛ baungwe ikomo lya Kakua. 2 Na kɔmɔa, bwato chibee, chabɛchaya mɔ mɔkɔngɛ we kichibachiba ne balɔbi na kwika mɔ kɔɔya makia maabɔ. 3 Yɛsu na kokobea mɔ bɔmɔ bwato, bwabɛchaya bwa Simɔni, na kosaolea Simɔni uisɔkyɛ bwato nɛ mɔkɔngɛ, na kuchikaa, na koeyecha kea ketongo.

4 Asia Yɛsu kɔɔcha, na komosaolea Simɔni: «Isɛɛnya bwato mo maache ma manika, na mwikye makia minu mo maache, nɛ kɔlɔba mwɛa.» 5 Simɔni na komosaolea: «Mweyechi, tokambee kɔ bɔkɛtɛ butu bɔɔsɛ ndetwakonja keemo, kɔmɛɔcha yao, ndaikye makia mo maache.»

6 Abɔ na kwikya makia mo maache, na kubunda mwɛa wabua, abe abe makia mabɛa mangabɛmbɛka. 7 Na kɔlɔbɔa basambe nabɔ babɛchaya monda mwe bukinɛ bwato, babake kwa bakwase. Aolea basambe nabɔ, abɔ na kochekya bwato bɔsɛ bobee nɛ mwɛa, abe abe koenga kwina. 8 Alya amɔa Simɔni Pɛtɛlɔ bia, awɛ na kokea mo meende ya Yɛsu, na kɔɔcha: «Mwaame, ndokea, kɔmɔa nae ne mondo wee bwabea.»

9 Simɔni na baa basɛ babɛchaya naakɛ, bakanakana byabua ku kibuichi kyɛ mwɛa wakonja abɔ. 10 Yakɔbɔ na Yɔana, baana ba Sɛbɛlayɔ, babɛchaya mo kokamba kɔmɔɔsa na Simɔni. Abɔ kabee bakanakana byabua. Yɛsu na kosaolea Simɔni: «Ndotenaya; ano ano otabɛ mɔlɔbi we bando.»

11 Aɔtɔsa abɔ bwato kɔ mɔkɔngɛ, na kusia biisɛ, na koyea Yɛsu.