Luke 5:17-26
Yɛsu osoolola mondo walɛbɛa bibando
(Mat 9:1-8; Mali 2:1-12)
17Lɔmɔ lusu, Yɛsu wabɛchaya mo koeyecha. Bafalisayɔ ne baeyechi be Salia babɛchaya ase mo kea ketongo. Batokaya mo tolya tɔɔsɛ twe Kalilaya, ne Yulɛa na toa twe Yɛlusalɛma. Yɛsu wabɛchaya mo koolola balwachi kɔ bɔkɛtɛ bwa Mwaame Kakua. 18Bamɔ bando baolea, mo kochaa mondo walɛbɛa bibando mu kipɔyɔ. Baenga njea yee kumwingecha mo ndabo bamobeke kombaa kwa Yɛsu. 19Ndibakonja iboa kukumwingecha kɔmɔa bando baba ne kubua. Ko boa, abɔ na kokobea a nganda ya elya ndabo. ▼▼Bamɔ Bayula, mo koaboka mabɔ, babɛchaya mo koanja mete mo nganda, kɔmɔngɔ na koasea ne kobomba.
abɔ na kuunjua lɛmɔ iboa na kumwikya asambea bando kombaa kwa Yɛsu, oe mu kipɔyɔ kyaakɛ. 20Alya amɔa Yɛsu, kuimenya kwa baa bando, awɛ na kosaolea olya molwachi itɛ: «Ee munjinanɛ, bwabea bwao bosoebeelwa.» 21Ne baeyechi be Salia, ne Bafalisayɔ, na kobangoa manungunungu na kɔɔcha: «Moke mondo ona ɔtɔbɛngɛa Kakua? Naani unaebeela bwabea ataasi Kakua mwɛɛnɛ?» 22Yɛsu wacheba ngani chabɔ, na kobabocha itɛ: «Ko eke kotochombya banu ngani mo metema yiinu? 23Monjaolee: Keke ne kyalɛnga asambea bibi bibee kɔɔcha: ‹Bwabea bwao bosoebeelwa› ɔbɛɛ kɔɔcha: ‹Taoka, ɛnda›? 24Natokonda mochebe itɛ mee Mwaana we Mondo nae nɛ bɔkɛtɛ bwe koebeela bwabea moono mɔ mɔsɛngɛ.» Kwibɔngɛa, Yɛsu na kosaolea olya walɛbɛa bibando: «Mee ne ɔsɔɔcha, enda kipɔyɔ kyao ne ɔtɔka kwao!» 25Akaɛ alya, kombaa kwe bando basɛ, awɛ na kotaoka, na koenda kipɔyɔ kya kɛsɛaya awɛ ka koya kwakɛ mo koseka Kakua. 26Bando basɛ na kokanakana byabua, na koseka Kakua, na kochaa ne bɔɔba itɛ: «Tɔsɔmɔa melendo leno.»
Copyright information for
ZmbSC