1 Kings 17
Va-akte in Elijah Vak
1Tu-in Gilead a Tishbe ▼▼17.1 Ahikeh Tishbe-te, a tengte
panin Tishbe-te Elijah in Ahab tungah, “A na ka sep TOPA, Israel Pasian nuntakna lo-in ka gen hi, hong tung ding kum tawmkhate sungah kei thu loin daitui ahi a, guahtui ahi zongin a om kei ding hi,” a ci hi. b 2 Tua khit ciangin Elijah tungah TOPA thu tunga: 3“Hih mun nusia inla nisuahna lamah kihei in, Jordan nisuahna lama Kerith Kuampi ah va bu in. 4Lui neu panin tui na dawn dinga, nang hong vak dingin va-akte ka sawl khin hi,” a ci hi. c 5 Tua ciangin amah TOPA gensa bangin a hih hi. Amah Jordan nisuahna lama Kerith Kuampi ah pai a, tua lai-ah a om hi. 6Va-akte in anlum le sa zingsang in, tuateh anlum le sa nitakin puak uh a, lui neu panin tui a dawn hi. Zarephath a Meigongnu
7 Gam sungah guah zu lo ahi manin tua zawh a sawt loin luineu a kang hi. 8Tua ciangin ama tungah TOPA thu tunga: 9“Sidon a Zarephath ah paipah vingveng inla tua lai-ah va om in. Nang an hong puak dingin meigongnu khat thu ka pia khin hi,” a ci hi. 10Tua ciangin Zarephath ah amah a pai hi. A khuapi kongpi a tun ciangin meigongnu khat in singkang a na tom hi. Amah in tuanu sama, “Hai khatin ka dawn ding tui nong pia diam?” ci-in a dong hi. 11Tuanu a la dingin a pai laitakin amah sama, “Tuateh nong hehpihna-in anlum tawmkha hong puak in,” a ci hi. 12 Tuanu in, “TOPA na Pasian nuntakna lo-in kong gen hi, anlum khat beek ka nei kei hi - beel sungah annel khut dim khat bek oma thawl sungah sathau tawmno khat a om hi. Inn a ka puak ding singkang tawmkha a tom ka hi hi, kei le ka tapa nek ding bawlin ne khin le-ung - a si ta ding ka hi uh hi,” ci-in a dawng hi. d 13 Elijah in tuanu kiangah, “Lau kei in. Inn ah ciah inla na gensa bangin hih in. Ahi hangin na neih sunsun tawh kei ading anlum moh neu khat bawl masa inla kei hong puak in, tua ciangin nang ading le na tapa ading bang khatpeuh bawl in. 14Ahang in TOPA, Israel Pasian in, ‘TOPA in leitungah guah a piak mateng annel beel sungah annel a bei kei dinga, sathau thawl a keu kei ding hi,’ ci hi,” a ci hi. 15 Tuanu paikhia, a Elijah gensa bangin a hih hi. Tua ciangin Elijah ading le numeinu le a innkuante ading nisimin an a om den hi. 16Ahang in, Elijah tunga TOPA thugenna tawh kizui-in annel beel le an kitalawi lo a, sathau thawl zong a keu kei hi. 17 Hun tawmvei khit ciangin inn neinu tapa a ci na hi. Amah gim semsem a, a tawpna ah a huu a bei hi. 18Tuanu in Elijah kiangah, “Pasian mipa aw, kei tungah bang lungkim-lohna nei na hi hiam? Ka mawhnate hong phawksak kik ding le ka tapa that dinga hong pai na hi hiam?” a ci hi. e 19 Elijah in, “Na tapa hong pia in,” ci-in a dawng hi. Amah in tuanu ang panin la-a, ama omna inn tung dei-ah puato-in, a lupna ah a sial hi. 20Tua ciangin TOPA kiangah kiko in, “TOPA ka Pasian aw, ka omna meigongnu tung nangawn ah a tapa sisakin dahluatna tungsak na hi hiam?” a ci hi. 21Tua ciangin naupangno tungah amah thumvei kizankhia in TOPA tungah, “TOPA ka Pasian aw, hih naupangno nuntakna ama tungah kilehkiksak in!” ci-in a kiko hi. f 22 TOPA in Elijah kikona za a, naupangno nuntakna ama tungah kileh kikin a nungta hi. 23Elijah in naupangno domin inndei panin innpi sungah a puasuk hi. Amah in a nu pia-a, “Na tapa nungta hi, en in!” a ci hi. 24 Tua ciangin numei in Elijah kiangah, “Tu-in Pasian mipa na hilam le na kam pana TOPA kammalte thutak ahilam ka thei hi,” a ci hi. g
Copyright information for
ZomZIV