1 Samuel 31
Saul Amah le Amah Kithat
1Tu-in Philistia-te in Israel a sim uh hi; amaute mai-ah Israel-te taikek uh a, Gilboa Vum ah tampi a si uh hi. 2Saul le a tapate nunglam panin Philistia-te in phadong lua uh a, a tapate, Jonathan, Abinadab le Maki-Shua a that uh hi. 3Saul kimkot ah kidona nasia lua a, thal tawite in amah a phak uh ciangin nasiatakin a liamsuah uh hi. a 4 Saul in a galvan-puapa kiangah, “Na namsau dok inla hong dawtlet in, tua hi kei leh hih vun-at lohte hong pai-in hong khel-bawl ding uh a, hong dawtlet ding uh hi,” a ci hi. b Ahi hangin galvan-puapa lau-in hih ngam lo a; tua ciangin Saul in ama namsau dokin a tungah a puk hi. 5A galvan-puapa in Saul sih a muh ciangin amah zong a namsau tungah pukin amah tawh a sikhawm hi. 6Tua bangin Saul le a tapa thumte le galvan-puapa le a mite khempeuh a ni kikhatin a sikhawm uh hi. 7 Kuam dungsuka teng Israel-te le Jordan galkahte in Israel galkapte taikhinin Saul le a tapate sih a muh uh ciangin a khuapite uh nusia-in a tai uh hi. Tuateh Philistia-te pai-in a va luah uh hi. 8 A zing ciangin Philistia-te misi van hawkkhia dingin a pai uh ciangin Gilboa Vum ah Saul le a tapa thumte a sisa a om a mu uh hi. 9Amaute in a lu tankhia uh a, a galvante hawkkhia-in, Philistia gam buppi-a milim biakna innte le a mipihte uh lakah tua thuthak a tangko dingin kamtai a sawl uh hi. 10Amaute in Ashtoreth-te biakna innpi sungah a galvante koih uh a, Beth Shan kulh tungah a luang a hen uh hi. c 11 Philistia-te in Saul a bawlna uh Jebesh Gilead mite in a zak uh ciangin 12a galhangte khempeuh uh a zan azanin Beth Shan ah a kuan uh hi. Saul le a tapate luangte Beth Shan kulh panin lakhia uh a, Jebesh ah paipihin tua lai-ah a hal uh hi. 13Tua ciangin amaute’ guhte la uh a, Jebesh a makeng nuai-ah vui-in ni sagih sung an a tang uh hi. d
Copyright information for
ZomZIV