Amos 7
Kauphe, Mei le Khaukhai
1TOPA in kei hong lah hih ahi hi: Kumpipa tanh ding teng a kilak khit phet sel kik dinga a kipat laitakin kauphe honpi a omsak hi. 2Tuate in gamsung khempeuh a gaih siang khit ciangin,”Thupipen TOPA aw, a mawhna maisak hoh in! Jacob in bangci thuak zawh ding ahi hiam? Amah neu lua mahmah hi lo hiam?” ci-in ka awngkhia hi. 3 Tua ciangin TOPA in a hehna a khiam hi. a TOPA in, “Hih thu a piang nawn kei ding hi,” a ci hi. b 4 Thupipen TOPA in kei tungah hong lah hih ahi hi: Thupipen TOPA mei tawh thukhen dingin kipan hi; tua mei in tui thukpite keusak a, leitung a hultum hi. 5Tua ciangin Thupipen TOPA aw, khawl tapeuh in! Jacob in bangci thuakzawh ding hiam? Amah neu lua mahmah hi lo hiam?” ci-in ka awngkhia hi. c 6 Tua ciangin TOPA in a hehna a khiam hi. d Thupipen TOPA in, “Hih zong a piang nawn kei ding hi,” ci hi. e 7 Hih in ama hong lah ahi hi: Khaukhai maantakin kikhai-a a kiciang kulh gei-ah khaukhai tawi kawmin Topa a ding hi. 8TOPA in kei kiangah, “Amos aw, bang na mu hiam?” ci-in hong dong hi. f “Khaukhai khat ka mu hi,” ci-in ka dawng hi. Tua ciangin Topa in, “En in, ka mi Israel-te lak khaukhai-in ka en hi; amaute ka hawi nawn kei ding hi. g 9 “Isaac munsangte kisusia dinga, hIsrael munsiangthote a kisusia ding hi;
Jeroboam innkuante do dingin ka namsau ka kuansak ding hi,” a ci hi. i
Amos le Amaziah
10 Tua ciangin Bethel a siampipa Amaziah in Israel kumpipa Jeroboam tungah thu puak a, “Amos in Israel-te laizang takah nang do hong sawm hi. Ama thugen gam sung tengin thuak zo lo hi. 11Tua hi-a Amos in thugen a: j “Jeroboam namsau in si dinga,amau leitang panin Israel salin k
kikaikhia taktak ding hi,’ ci hi,” a ci hi. l
12 Tua ciangin Amaziah in Amos tungah, “Nang thumupa paikhia! Na Judah gamah ciah kik in. Tua lai-ah na nuntak nading na sem inla kam va sang in. 13Bethel ah kam sang nawn peuhmah kei in. Bang hang hiam cih leh hihtak kumpite munsiangtho hi-a, kumpi-gam biakinnpi ahi hi,” a ci hi. m 14 Amos in Amaziah kiangah, “Kei kamsang lah hi loin kamsangpa tapa zong ka hi kei hi, tuucing khat ka hi a, theiba huan kep tawh a thuah ka hi hi. 15Ahi hangin TOPA in ka tuucinna panin hong lakhia a kei kiangah,”Pai inla ka mi Israel-te tungah thu va gen in,” hong ci hi. 16Tua ahi ciangin tu-in TOPA thugen za in. Nang in, n ‘Israel-te langah thu gen nawn kei in, o
Isaac innkuante langkhat ah na thu hilhhilh tawp in,’ nong ci hi.
17 “Tua ahi ciangin TOPA thugen hih ahi hi: “‘Khuapi sungah na zi kizuak dinga,
na tanute na tapate namsau-in a puk ding uh hi.
Na leitang kitehin kihawmthang dinga,
lawkite ▼
▼7.17 Hebrew in sianglo
gam ah nang na si ding hi.Tuateh Israel-te amau leitang pan
salin a kikaikhia pelmawh ding hi,’ ci hi,” a ci hi. q
Copyright information for
ZomZIV