Deu 30 | ZomZIV | STEP | Note mai-ah ka koih thuphate le hamsiatnate khempeuh, TOPA in minamte laka hong thehthangna peuhpeuh ah na lungsimun kenga,

‏ Deuteronomy 30

TOPA lama Kihei Khita Daupaina

1 Note mai-ah ka koih thuphate le hamsiatnate khempeuh, TOPA in minamte laka hong thehthangna peuhpeuh ah na lungsimun kenga, 2 note le na tate un TOPA lam zuan kik-a, tuni-a kong thupiakna tawh kizui-in na khempeuh ah na lungsim khempeuh uh le na hinna khempeuh uh tawh ama thu na man uh leh, 3 tua ciangin TOPA note Pasian in note hong khuatuah dinga hong thehthangna minamte khempeuh lak panin hong khawm kikin na mailam hun ^{▼▼30.3 Ahikeh saltanna panin note hong puak kik ding} uh a ngei hong bangsak ding hi. 4 Van kikhupsin nuai a gamla penpen gam nangawn ah hong kihawlkhia zongin tua lai panTOPA note Pasian in hong khawmin hong puak kik ding hi. 5 Amah in na pate uh neihsa gamah hong puak dinga, tua ciangin tua gam na tang ding uh hi. Amah in na pate uh sangin hong daupaisak zaw in hong tamzawsak ding hi. 6 TOPA note Pasian na lungsim khempeuh uh le na hinna khempeuh un it thei a, na nuntak nadingun note le na suante uh lungsim vun hong atsak ding hi. 7 No hong mudah a hong bawlsia na galte uh tungah TOPA note Pasian in hih hamsiatna khempeuh a tungsak ding hi. 8 Note in TOPA thu na mang kik ding uh a, tuni-a kong gen ama thupiakte khempeuh na zui ding uh hi. 9 Tua ciangin TOPA note Pasian in na khutun nasep khempeuh uh, na sul panun a gah, na ganhonte uh note le na leitang panun a piang ante khempeuh ah a daupai pen hong suaksak ding hi. Na pate uh tungah a lungkim bangin TOPA note tungah lungkim kik dinga, 10 TOPA note Pasian thu mangin Thukham Laibu sunga kigelh ama thupiakte le a thukipte na zuih uh a, na lungsim khempeuh uh le na hinna khempeuh uh tawh TOPA note Pasian lamah na kihei nak uh leh hong daupaisak ding hi. ^b

Nuntakna ahikeh Sihna Kipia

11 Tu-in, tuni-a note kong thupiak note adingin haksa lua lo a, na hih lah ding uh hi lo hi. 12 “Tua thupiakte la dingin vantungah kua kah to in tuate banah thu i man theih nadingin kua hong tangko ding hiam?” ci-a na dot theih nadingun van ah a om kei hi. 13 “Tua thupiakte la dingin kua in tuipi kantanin thu i man theih nadingin kua hong tangko ding hiam?” ci-a na dot nadingun tuipi galah zong a om tuan kei hi. 14 A om kei hi, na kiang mahmah ah om a; a thu na man theih nadingin na kam sung le na lungtangah a om hi.

15 En un, tuni-in note mai-ah nuntakna le daupaina, sihna le kisiatna ka koih hi. 16 Ahang in, TOPA note Pasian itin ama lampite tawna ama thupiakte, a thukipte le a thukhamte na zuih dingun thu kong pia hi. Tua hileh note nungta in na pung semsem ding uh a, TOPA note Pasian in luta na luah ding uh gamah thupha hong pia ding hi.

17 Ahi hangin thumang loin na lungsim uh pialkhia a, pasian dangte beelin bia-a na kun uh leh, 18 note tungah tuni-in kong genkhia hi, na kisia taktak ding uh hi. Jordan kantanin na neih ding uh gamah sawtvei na nungta kei ding uh hi. ^c

19 Tuni-in note langkhatah teci a pang dingin van le lei samin note mai-ah nuntakna le sihna thuphate le samsiatnate ka koih hi. Tu-in note le na tate uh na nuntak theih nading uh le 20 TOPA note Pasian itin, a aw ngai-in amah na letkip theih nadingun nuntakna teel un. Ahang in, na nuntakna uh TOPA hi a amah in na pate uh Abraham, Isaac le Jacob tungah piak dinga a ciamsa gam no tungah kum tampi hong pia ding hi.