Ecclesiastes 5
Pasian Kihta In
1Pasian inn ah na pai ciangin kidawmin gamta in. A khialh lam uh a thei lo mihaite biakna sangin thu ngai dingin a kiangah pai lecin hoihzaw hi. 2 Pasian mai-ah na khatpeuh na gen cianginkam paukhiat ding manlang kei inla,
na lungsimin nawh ngaihsut kei in. a
Pasian vantungah om a,
nang leitunga om na hi hi;
tua ahi ciangin na kam tawmsak in.
3 Lunghimawhna tampi a om ciang in manga a kimat bangin, kam tampi a kipau ciangin, mihaipa haina kilangkhia hi. b
4 Pasian tungah na kiciam ciangin tangtungsak hak kei in. Amah mihaite tungah lungdam lo hi, na kiciamna tangtun in. 5Kiciamna tangtungsak loh sangin, kiciam loh hoihzaw hi. 6Na kam tawh mawhna sung kitunsak kei in. Biakinnpi thupuakpa kiangah, “Ka kiciamna ka khial hi,” ci kei in. Bang hangin na thugenna ah Pasian hehin na khut a na sepsa susia ding ahi hiam? 7Mang tampi mat le kam tampi pau a mawknapi ahi hi. Tua ahi ciangin Pasian kihta-in om in. c
Hauhna Amawknapi
8 Gam sungah mizawngte kinengniam a, thumaan le thutang a kinial na muh leh lamdang sa kei in; ahang in, ulian khat amah sanga lianzaw khat in ena, amaute gel tungah a sangzaw dang om lai hi. 9Gam sunga piangte mi khempeuh in tanga; lo panin kumpipa bek in metlawh hi. 10 Sum iplah peuhmah in sum a deihzah nei ngei lo a;hauhna iplah peuhmah a ngahzah tawh a lungkim ngei kei hi.
Hih zong a mawknapi ahi hi.
11 Nate a khanna tawh ki zui-in,
tuate a ne ding a khang hi.
Tua ahileh a neipa in a mitin a muh nuam a sak longal,
ama adingin bang phatuam ahi hiam?
12 Nasempa khat in tawm ne in
tam ne taleh a ihmut nuam a,
ahi hangin mihaupa a hauhletna in
a ihmusak thei kei hi. d
13 Sunni nuai-ah a dahhuai mahmah gitlohna khat ka muh in: e hauhna in a neipa nasak a,
14 vangsiatna hangin hauhna maimanga,
tapa a neih ciangin
ama ading bangmah a nusiat kei hi.
15 Mihing a nu sung pan guaktangin suahkhia a,
a suahkhiat bangin a paikhia ding hi. f
A khut sungah a sepsa g
bangmah a pua thei kei hi. h
16 Hih zong a dahhuai gitlohna mah ahi hi: Mi khat a suah bangin pai kik hi,
huih adingin gimpi-a na a sep nungsang
bang lawhtak ahi hiam?
17 A nuntak hun sung lawhsamin,
lunggimin hehsa-in khuamial lakah an a ne hi.
18 Tua ciangin mi khat in sunni nuai-ah Pasian piak tomkha a nuntak hun sungin gimpipi-a a sepsate ne-in dawnin kham a ngah ding ama adingin hoih hi, ci-in ka ngaihsun hi - ahang in, ama lawhtak hih ahi hi. 19Tua tham loin mi khatpeuh Pasian in neihsa lamsa pia-a a hauhna nuamtakin a zatsak leh ama lawhtak tua mah ahi ciangin sang henla a nasepna ah nuamsa hen - hih in Pasian letsong ahi hi. 20Pasian in a lungsim lungkimna tawh kem ahi manin a nuntak sung nite a ngaihsun kha kei hi. i
Copyright information for
ZomZIV