Exodus 33
1Tua ciangin TOPA in Moses kiangah, “Nang le Egypt pana na paikhiatpih mipite tawh hih mun nusia inla, Abraham, Isaac le Jacob-te tungah, ‘Na suan-le-khakte tungah ka pia ding hi,’ ci-in tomlo-a, ka khapsa gamah pai to in. 2Na mai-ah vansawltak khat ka sawl dinga Canaan mite, Amor mite, Hit mite, Periz mite, Hiv mite le Jebus mite ka hawlkhia ding hi. 3Bawngnawi le khuaizu a luanna gamah pai to in. Ahi hangin nang tawh kong ton kei ding hi, bang hang hiam cih leh note ngawngkhauh mite na hi uh a lamkal ah kong thatmang kha ding hi,” a ci hi. a 4 Mipite in hih a lungdonhuai mahmah kammal a zak uh ciangin thumin khat beek in kizepnate zang lo uh hi. 5Ahang in TOPA in Moses kiangah, “Israel-te tungah, ‘Note ngawng khauh mite na hi uh hi. Note tawh tawm vei sung nangawn ton leng kong susia kha ding hi. Tu-in na kizepnate uh suahkhia un, note bang kong lawh ding hiam, cih ka khensat ding hi,’ ci in,” ci-in a gensa ahi hi. 6Tua ahi ciangin Israel mite in a kizepnate uh Horeb Mual ah a suahkhia uh hi. bKikhopna Puanbuk
7 Tu-in Moses in puanbuk khat la-in giahphual pua a gamla simna ah zala, tua pen “kikhopna puanbuk” a ci hi. TOPA kianga thu dong nuam khempeuh giahphual pua-a kikhop-na puanbuk ah a pai uh hi. 8Tua hi-a puanbuk ah Moses a pai simin mipite khempeuh amau puanbuk kong tekah dingin puanbuk sungah Moses a lut mateng a vil uh hi. 9Puanbuk sungah Moses a lut ciangin meii khuampi tuaksukin TOPA in Moses a hopih lai teng a kongah a om hi. 10Puanbuk konga meii khuampi ding a muh peuhmah uh ciangin amau puanbuk kong ciatah dingin a bia uh hi. 11Mi khat a lawmpa tawh a kiho bangin TOPA in Moses maituahin a hopih hi. Tua ciangin giahphualah Moses ciah kika, ahi hangin amah a huh a khangmoi Nun tapa Joshua in puanbuk a nusia kei hi.TOPA’ Minthanna le Moses
12 Moses in TOPA kiangah, “Kei tungah, ‘Hih mite makaih in,’ ci-in nong gen zo a, ahi hangin kei tawh kua ton ding hiam, cih nong theisak nai kei hi:’ Na minin kong thei a, ka maipha na mu khin zo hi,’ nong ci zo hi. 13Na mitah maipha ka muh khit leh, nang kong theih nading le na maipha ka ngah den nadingin na zia hong hilh in. Hih minam nangma mite ahilam phawk in,” a ci hi. c 14 TOPA in, “Ka Ompihna nang tawh ton dinga, tawldamna nang kong pia ding hi,” a ci hi. d 15 Tua ciangin Moses in a kiangah, “Na Ompihna ko tawh a ton kei ding leh hih panin hong sawlkhia to kei in. 16Ko tawh nang nong tonkhawm loh ngalin kua in, kei le na mite tunga na lungkim lam thei ding ahi hiam? Lei maitanga midangte khempeuh panin kei le na mite ka tungnunna uh bang dang om ahi hiam?” a ci hi. 17 Tua ciangin TOPA in Moses kiangah,”Nong ngetsa tektek mah kong hihsak ding hi, bang hang hiam cihleh nang tungah ka lungkima, na minin kong thei hi,” a ci hi. 18 Tua ciangin Moses in, “Tu-in na minthanna kei hong lak in,” a ci hi. e 19 Tua ciangin TOPA in, “Ka hoihna khempeuh note mai-ah kong lakkhia dinga, note omna-ah ka min TOPA ka thangsak ding hi. Ka lainatnop mite ka lainat dinga, ka khuatuah nop mite ka khuatuah ding hi.” 20Ahi hangin amah in, “Kei hong mute kuamah nungta lo ahi manin ka maitang na mu thei kei ding hi,” a ci hi. f 21 Tua ciangin TOPA in, “Ka kiangah na din theih nading suangtung munkhat a om hi. 22Ka minthanna in hong nawk ciangin suangpi kitam sungah kong koih dinga, kong khen khit matengin ka khutin nang kong liah ding hi. 23Tua ciangin ka khut ka lakhia dinga, ka nung na mu ding hi; ahi hangin ka maitang a kimu peuhmah kei ding hi,” a ci hi. g
Copyright information for
ZomZIV