Ezekiel 11
Israel Makaite tungah Thukhenna
1Tua ciangin Kha in kei hong domto a, TOPA’ inn nisuahna lam nga kongpi ah hong puak hi. Tua lai-a kongpi lutna ah mi sawmnih le nga a na om uh hi. Amaute lakah mite makai Azzur tapa Jaazaniah le Benaiah tapa Pelatiah ka mu hi. 2TOPA in kei kiangah, “Mihing tapa aw, hih mite, khuapi sungah a hoih lo geel a, gitloh nading a hanthawnte ahi uh hi. 3Amaute in, ‘Inn lam hun hi baih ta ding hilo ahi hiam? ▼▼11.3 Ahikeh Hih hun in inn lam hun ahi kei hi
Khuapi sa-uina beel hi-a, eite sa i hi hi,’ ci uh hi. 4Tua ahi ciangin mihing tapa aw, amaute langah kamsang inla thu genkhol in,” hong ci hi. 5 Tua ciangin TOPA Kha kei tungah hong tungin ka gen ding hong gen a: “Hih in TOPA gen ahi hi: Na gen ding hih ahi hi, Israel innkuante aw, na lungsim ua na ngaihsutte uh ka thei khin hi. 6Khuapi sungah mi tampi na that uh a, a kong zingte misi tawh na kidimsak uh hi. 7 Tua ahi ciangin hih in Thupipen TOPA gen ahi hi: Tua lai-a na paih uh misiluangte sa hi-in, khuapi a beel hi mah hi, ahi hangin note tua panin kong hawlkhia ding hi. 8Namsau na kihta uh hi, note langah namsau mah ka pangsak ding hi; Thupipen TOPA in cikhia hi. 9Khuapi panin kong hawlkhia dinga, gamdang mite khutah hong apin note dan kong tuaksak ding hi. 10Namsau-in na puk ding uh a, Israel gamgi ah thu kong khen ding hi. Tua ciangin keimah TOPA ka hilam na thei ding uh hi. 11Hih khuapi no adingin beel hi loin no lah a sunga sa na hi kei ding uh hi. Israel gamgi ah note tungah thu kong khen ding hi. 12Tua ciangin keimah TOPA ka hilam nong thei ding uh hi, ahang in, ka thukipte le ka thukhamte na zui kei uh a tua sangsikin na kimkot ua minamte ngeinate na zui zaw uh hi,” hong ci hi. b 13 Mailam thupiang ding ka gengen laitakin Benaiah tapa Pelatiah a si hi. Tua ciangin khupbawk sukin, “Kalasai, Thupipen TOPA! Israel a baanglaite susia khin ding na hi hiam?” ci-in nakpi-in ka kiko hi. 14 TOPA thu kei tungah hong tunga, 15“Mihing tapa aw, na sanggamte - na sisan kinaipih ▼▼11.15 Ahikeh amaute nang tawh saltang khawm uh hi (Septuagint le Syriac en in)
na sanggamte le Israel innkuan buppi - tungah Jerusalem mite in, ‘Amaute ▼▼11.15 Ahikeh Jerusalem mite tungah a gena “Teng in
TOPA tawh kigamla ta uh hi, hih leitang ei neih dingin hong kipia khin hi,’ a cih uh hih mite ahi hi. e Israel Ciahkik ding Kamciam
16 “Tua ahi ciangin gen in: ‘Hih in Thupipen TOPA gen ahi hi: Amaute , minamte lak gamlapi ah sawlkhia-in gam tuamtuam ah ka thehthang hangin a tuntunna uh gam ah tawlkhat sung amaute munsiangtho ka hi hi,’ ci hi. f 17 “Tua ahi ciangin: ‘Hih in Thupipen TOPA gen ahi hi: Minamte panin kong kaikhawm dinga, Israel gam kong pia kik ding hi, ci hi,’ ci-in gen in. 18 “Amaute ciah kik ding uh a, a muhdahhuai milim kisungte le a kihhuai milimte a nilkhia ding uh hi. 19Amaute lungtang khat guanin ngaihsutna thak ka pia ding hi; amaute suang lungtang lakkhiatsakin satak lungtang ka guan ding hi. 20Tua ciangin ka thukipte zui-in, ka thukhamte kidawmin a tang ding uh hi. Amaute ka mi hi ding uh a, keimah amaute Pasian ka hi ding hi. 21Ahi hangin a muhdahhuai milim kisungte le a kihhuai milimte tunga a lungsim ki-apte, amau gamtatsa tawh kizui-in a lutunguah ka tusak ding hi, Thupipen TOPA in kong cikhia hi,” hong ci hi. g 22 Tua ciangin a panga a pei om cherub-te in a kha uh zaak uh a, amaute tungsan ah Israel’ Pasian’ minthanna a om hi. 23TOPA minthanna khuapi sung panin paito a, a nisuahna-lam mualtung sanah a khawl hi. 24Kha in kei hong domto a, Pasian Kha in mang hong muh sakna sungah Babylon ▼▼11.24 Ahikeh Chaldea-te
a saltangte kiangah hong puak hi. i Tua ciangin ka muhsa mangmuhna kei kiangpan paito a, 25saltangte kiangah TOPA hong lah khempeuh ka gen hi. j
Copyright information for
ZomZIV