Genesis 34
Dinah le Shechem mite
1Tu-in Jacob le Leah tanu Dinah tua gam numeite kianga hawh dingin kuan hi. 2Tua khawk ukpa Hiv mi Hamor’ tapa Shechem in tuanu mu a, amah lenin a buan hi. 3A lungsim ah Jacob tanu Dinah bek om a, tua numeino it in kamkhumin hopih hi. 4Tua ciangin Shechem in a pa Hamor kiangah, “Hih numeino ka zi dingin hong pisak in,” ci hi. a 5 Jacob in a tanu Dinah kibuahsak zo cih a zak hunin a tapate gan cingin gamlakah om uh hi; tua hi a, amaute inn-a a ciah mateng daitakin a om hi. 6 Tua ciangin Jacob tawh kiho dingin Shechem’ pa Hamor paikhia hi. 7Jacob tapate in thupiang a zak phetun gamlak pan innah a ciah pah uh hi. Amaute lungkhamin a heh mahmah uh hi; bang hang hiam cih leh Shechem in hih loh dingpi khat - Jacob tanu luppih a, Israel sungah ▼▼34.7 Ahikeh langah
daina tun hi. c 8 Ahi hangin Hamor in amaute kiangah, “Ka tapa Shechem in na tanu tungah a lungsim kipsak khin zo hi. A zi dingin amah hong pia un. 9I kiteng tuah ding hi; na tanute uh hong pia unla, ka tanute uh tenpih un. 10Ko lakah nong teng thei uh hi; no ading leitang kiphal hi. Tua sungah tengin sumbawl ▼▼34.10 Ahikeh nuamtakin om tg. 21 ah zong
unla, neih le lam khol un,” ci hi. e 11 Tua ciangin Shechem in Dinah’ pa le a sanggamte kiangah, “Na mai-ah maipha hong ngahsak in, nong nget bangbang kong pia ding hi. 12Mo man ding le letsong-a kong puak ding no deih a tam thei zahzah seh un, nong nget bangbang uh kong pia ding hi. Numeino ka zi dingin hong pia hoh peuhmah un,” ci hi. 13 Jacob tapate in a sanggamnu uh Dinah kibuahsak khitna hangin Shechem le a pa Hamor tungah khemsiamna tawh dawng uh hi. 14Amaute in, “Vun at lo mipa tungah tua bangin ka hih thei kei uh a, ka sanggamnu uh ka pia thei kei uh hi. Tua pen ko adingin daina ahi hi. 15Ka deihna uh khat bek no tungah kong sung ding uh hi: tu-in ko tawh na kibat nadingun pasal khempeuh in na vun uh at un. 16Tua ciangin ka sanggamnu uh kong pia ding uh a, ko adingin na sanggam numeite uh ka la ding uh hi. No lakah kong teng ding uh a, no tawh mikhat i suak ding hi. 17Ahi hangin vun at ding na thukim kei uh leh ka sanggamnu ▼▼34.17 Hebrew ah tanu
uh ka ciahpih ding uh hi,” ci uh hi. g 18 Amau thusun pen Hamor le a tapa Shechem adingin hoih leh a kilawm hi. 19A pa’ innkuan sunga a zahtak penpen uh tangvalpa in Jacob tanu ngai mahmah ahi manin amau cih banga hih ding baih sa hi. 20Tua ciangin Hamor le a tapa Shechem amau khuapi kongpi-ah a khuasung mite uh tawh kimu dingin pai uh hi. 21Amaute in, “Hih mite ei tungah thunuam mahmah uh hi. I gam sungah tengsakin, summet bawlsak ni; i gamah amau ading mun-awng tampi om hi. Amau tanute i tenpih thei dinga, amau ei aate tenpih thei ding uh hi. 22Ahi hangin tua mite eite tawh mikhat banga i tenkhawm nadingin amau mah bangin ei pasalte in vun i at ding thukhat bek ahi hi. 23A innsate uh, amau neihsate le a ganhing khempeuh uh ei aa suak mawh ding ahi hiam? Tua ahi ciangin i utna amau tungah genin ei lakah amau tengsak ni,” va ci uh hi. h 24 Khuapi sung pana a paikhia mite khempeuh Hamor le a tapa Shechem cih bangin thukim uh a, khuapi sungah pasal peuhmah vun a ki-at hi. 25 Ni thum khit ciang mi khempeuh in na a sak hun laitakun Jacob tapate nih Simeon le Levi, Dinah sanggamte in a namsau uh la in a kigingkhol lo khuapi va sim uh a, pasal peuhmah that uh hi. 26Amaute in Hamor le a tapa Shechem namsau-in that uh a, Shechem’ inn pan Dinah la-in tua mun a paisan uh hi. 27Jacob tapate in siluang tungtawnin a sanggamnu uh a kibuahsakna tua ▼▼34.27 Ahikeh ahang
khuapi va susia uh hi. 28Amaute in a tuuhonte, a bawnghonte, a laate uh le khuapi sung le lo sunga om amau na khempeuh a matsak uh hi. 29Amaute in a hauhnate khempeuh uh, le a numei a naupang teng uh puakhia in inn sunga om na khempeuh laksak uh hi. j 30 Tua ciangin Jacob in Simeon le Levi kiangah, “Hih gama teng Canaan-te le Periz-te tungah nong namsiasak uh a, nong lungkhamsak uh hi. Eite i tawm mahmah hi. Amaute in kei langah pawl kai-in kei hong sim le uh kei le ka innkuanpihte kisia ding hi,” ci hi. k 31 Ahi hangin amaute in, “Ka sanggamnu uh numei kizuakte bangin a bawl ding hi zawzen hiam?” ci-in dawng uh hi.
Copyright information for
ZomZIV