Genesis 5
Adam pan Noah dong
1Hih in Adam gui sutna ahi hi. Pasian in mi a piansak-in Pasian tawh a kibangin bawl hi. 2Amah in amaute anu le apa piangsaka thupha a pia hi. A piansak hun lai-in amaute “mihing” ▼▼5.2 Hebrew ah adam
ci hi. b 3 Adam kum 130 a nuntak khit ciangin amah tawh a kibang ama lim a sun tapa khat nei a, a min Seth phuak hi. 4Seth a suah khit ciangin, Adam kum zagiat nungta a, tanu dang le tapa dang a nei lai hi. 5Adam a nuntak sung khempeuh kum 930 hi a, tua khit ciangin si hi. c 6 Seth kum 105 a nuntak khit ciangin Enosh pa a suak hi. 7Enosh’ pa ▼▼5.6 Pa pen pubul cihna hikha ding. tg. 7 - 26 te ah zong.
ahi khit ciangin Seth kum 807 nungta lai-a tanu dang le tapa dang a nei lai hi. 8Seth a nuntak sung khempeuh kum 912 hi a, tua khit ciangin si hi. e 9 Enosh kum 90 a nuntak khit ciangin tapa Kenan a nei hi. 10Kenan’ pa ahi khit ciangin Enosh kum 815 nungta lai-a, tanu dang le tapa dang a nei lai hi. 11Enosh nuntak sung khempeuh kum 905 hi a, tua ciangin a si hi. 12 Kenan kum 70 a nuntak khit ciangin tapa Mahalalel nei hi. 13Mahalalel’ pa ahi khit nungin Kenan kum 840 nungta lai-a, tanu dang le tapa dang a nei lai hi. 14Kenan a nuntak sung khempeuh kum 910 hi a, tua khit ciangin si hi. 15 Mahalalel kum 65 a nuntak khit ciangin tapa Jared a nei hi. 16Jared’ pa ahi khit nungin Mahalalel kum 830 nungta lai-a, tanu dang le tapa dang a nei lai hi. 17Mahalalel a nuntak sung khempeuh kum 895 hi a, tua khit ciangin si hi. 18 Jared kum 162 a nuntak khit ciangin tapa Enoch nei hi. 19Enoch’ pa ahi khit nungin Jared kum 800 nungta lai-a tanu dang le tapa dang a nei lai hi. 20Jared a nuntak hun sung khempeuh kum 962 hi a, tua khit ciangin a si hi. 21 Enoch kum 65 a nuntak khit ciangin tapa Methuselah a nei hi. 22Methuselah’ pa ahi nungin Pasian tawh Enoch kum 300 sung tonkhawm a, tanu dang le tapa dang a nei lai hi. 23Enoch nuntak sung khempeuh kum 365 ahi hi. 24Pasian Enoch tawh tonkhawm hi; tua khit ciangin amah a om nawn kei hi. Bang hang hiam cih leh Pasian in amah lamang hi. f 25 Methuselah kum 187 a nuntak khit ciangin tapa Lamech a nei hi. 26Amah Lamech’ pa a hi khit nungin Methuselah kum 782 nungta lai a, tanu dang le tapa dang a nei hi. 27Methuselah a nuntak sung khempeuh kum 969 hi a, tua ciangin a si hi. 28 Lamech kum 182 a nuntak khit ciangin tapa khat a nei hi. 29Amah in, “TOPA in a hamsiatsa leitunga i nasepna le i gimnate panin amah in eite hong hehnem ding hi,” a cih na-in a min Noah ▼▼5.29 Noah pen Hebrew ah hehnem tawh kibangin ging
a phuak hi. 30Noah a suah khit nungin Lamech kum 595 nungta lai-a, tanu dang le tapa dang a nei lai hi. 31Lamech a nuntak sung khempeuh kum 777 hi a, tua khit ciangin a si hi. h 32 Noah kum 500 a upat nungin tapa Shem, Ham le Japheth-te a nei hi. i
Copyright information for
ZomZIV