Hos 2 | ZomZIV | STEP | “Na sanggampate,’Ka mite,’ na sanggamnute, ‘Ka itte,’ ci in.

‏ Hosea 2

1 “Na sanggampate,’Ka mite,’ na sanggamnute, ‘Ka itte,’ ci in. ^a

Israel Dan Tuaksakin Angei Bangsak

2 “Na nu ka zi hilo a,
keimah a pasal hi lo ka hi manin
na nu tai inla, amah tai in. ^b
A maitang panin a kizuak mithah le, ^c
a nawite gel kikala a muanhuai lohna paikhia hen.
3 Tua hi kei leh a guaktangin ka hawkkhia dinga
a suah ni-a bangin a guaktangin ka omsak ding hi;
sehnel-gam bangin ka bawl dinga
gam simtham suaksakin
dangtakin ka sisak ding hi.
4 A tate angkawmna tate ahi manin
tuanu tate tungah ka itna ka lak kei ding hi. ^d
5 Amaute’ nu muanhuai lo a,
amaute maimawlsa-in a paii ahi hi.
Amah in, ‘Ka an le ka tui
ka samul puan le ka saihadial puan,
ka sathau ding le ka dawn ding hong pia ka lawmpate nungah ka pai ding hi,’ ci hi. ^e
6 Tua ahi ciangin tuanu lampi ling ka khaktansak ding hi;
lampi a muh loh nadingin kulh ka ciankhum ding hi.
7 Amah in a lawmpate a nungdelh hangin a pha zo kei ding hi;
amaute a zon hangin a mu zo kei ding hi. ^f
Tua ciangin tuanu in,
‘a cil lai-a bangin ka pasal kiangah ka ciah kik ding hi, ^g
tua hun lai-in tu hun sangin ka nuamsa zaw tham hi,’ ci hi. ^h
8 Keimah in tuanu, an, zuthak le sathaute pia-in,
amaute in Baal adingin a zat uh
ngun le khamte a pia ziahziah pa ka hilam
amah in hong thei lo hi. ⁱ
9 ‘Tua ahi ciangin ka an a min ciang le
ka zuthak a mansa-a a om ciangin ka lakhiamang ding hi. ^j
A guaktang hihna a selna samul puan le
saihadial puante ka la kik ding hi.
10 Tua ahi ciangin tu-in ama lawmpate muhna ah
tuanu huukna ka pholaak ding hi;
kuamah in ka khut panin a lakhia kei ding hi. ^k
11 A pawi bawlnate khempeuh: ^l
a kumsim pawibawlnate, a Kha Thakte,
a Sabbath nite-a kisehsa pawi bawlnate khempeuh ka khawlsak ding hi. ^m
12 Tuanu in, ‘Ka lawmpate tungpana ka thaman ka sang hi,’ a cih
a lengguite le a theikungte ka siasak ding hi; ⁿ
tuate sawlpang lak suaksakin,
gamsa gilote in a valhtum ding uh hi. ^o
13 Baal-te tungah gimnamtui a hal nite hangin ding hi. ^p
tuanu dan ka tuaksak ding hi;
tuanu zungbuhte le suangmanpha tawh kizem a, ding hi. ^q
a lawmpate nungah pai-a
ahi hangin kei hong mangngilh hi,” TOPA in cikhia hi. ^r
14 “Tua ahi ciangin keimah in tu-in tuanu ka zol ding hi;
sehnel-gam ah paipihin damtakin
amah ka hopih ding hi.
15 Tua lai-ah a lenggui lote ka pia kik dinga,
Achor ^{▼▼2.15 Achor pen lunghimawhna cihna} Kuampi pen lametna kongpi ka suaksak ding hi.
Tualai ah amah in a khangmoi lai bang le
Egypt pana a paikhiat toh lai bangin la a sa ^{▼▼2.15 Ahikeh dawngkik} ding hi. ^u
16 Tua ni ciangin keimah,
‘ka pasal nong ci dinga, ^v
‘ka topa ^{▼▼2.16 Hebrew ah baal} nong ci nawn kei ding hi,’ TOPA in cikhia hi.
17 Tuanu muk panin Baal-te minte ka hemkhia dinga,
amaute min a kilo kha nawn kei ding hi. ^x
18 Tua ni ciangin amaute adingin
gam sunga gamsate, huih laka vasate le
leithama bokvak ganhingte tawh thukhun khat ka bawl ding hi. ^y
Mi khempeuh lung muangin
a lup hithiat theih nadingun leitung panin
thal, namsau le gal ka beisak ding hi. ^z
19 Keimah in ka zi ahi den dingin kong khaam dinga;
thumaan thutangin ^{▼▼2.19 Ahikeh tawh tg.20 ah zong} itna le khuatuahna tawh ^{▼▼2.19 Ahikeh tawh}
kong khaam ding hi.
20 Muanhuaina tawh nang kong khaam dinga
TOPA na thei ding hi. ^ac
21 ‘Tua ni-in keimah in kong dawng ding hi,”
TOPA in cikhia a,
vante ka dawng dinga
amaute in leitungah hong dawng ding uh hi;
22 tua hi-a, leitung in an,
zuthak le sathau in dawng dinga,
amaute in Jezreel ^{▼▼2.22 Jezreel pen Pasian suansa cihna} dawng ding uh hi.
23 Kei ma adingin amaute leitungah ka suan ding hi; ^ae
‘Ka itpa hi kei,’ ^{▼▼2.23 Hebrew ah Lo-Rahamah} ka cihpa ka itna ka lak ding hi. ^ag
‘Ka mi hi kei,’ ^{▼▼2.23 Hebrew ah Lo-Ammi} ka cihte, ‘ka mi na hi uh hi,’ ka ci dinga, ^ai
amaute in, ‘Nang ka Pasian na hi hi,’ hong ci ding uh hi,’ “a ci hi. ^aj