Isaiah 12
Pahtawina Late
1Tua ni ciangin, “TOPA aw, nang kong pahtawi ding hi. aKei tungah na heh ngei zongin
na hehna dam ta a,
kei nong hehnem zo hi.
2 Pasian lah ka hotkhiatna hi taktak a;
amah muangin ka kihta kei ding hi.
TOPA, TOPA ka thahatna le ka la ahi hi;
amah ka hotkhiatna suak ta hi,” na ci ding uh hi. b
3 Hotkhiatna tuikhuk panin
lung nuamin tui na khai ding uh hi.
4 Tua ni ciangin note in: “TOPA tungah lungdamna ko-in a min lo un; c
ama sepsate minamte lakah kitheisak unla d
a min a kitawisangna tangko un. e
5 TOPA in a minthang nate sem khin ahi manin amah la sak un;
leitung khempeuh ah hih thu kitheisak un.
6 Note lakah Israel-te Siangtho Pa lian ahi manin,
Zion mite aw, ngaihtakin awng unla lungdamna la sa un,” na ci ding uh hi.
Copyright information for
ZomZIV