Isaiah 48
A Lungkhauh Israel
1No Jacob inkuan,Israel mina kilo, a
Judah suan pana piangte -
TOPA minin tomlo a, b
Israel Pasian min lo napi
thumaan thutaka ding lote - c
2 no le no khuapi siangtho tualsuak ka hi uh hi,
a kici Ama min Thahatpen TOPA ahi d
Israel Pasian tunga kingate aw, hih thu ngai un: e
3 A masa nate sawt pekin kong gen khin a, f
ka kamin hong zasakin tuate kong theisak khin hi; g
tua ciangin ka gamtang pah a, tuate hong tung hi.
4 Ahang in, note na lungkhauh lam uh, h
na ngawng thagui uh sik ahilam, i
na taltang uh sumngo ahilam ka thei hi.
5 Tua ahi manin hih nate sawtveipi in kong gen khin zo hi;
note in, ‘Ka milimte uh sep ahi hi; j
ka sing milimte uh le a kisung ka pasiante un thu a piak ahi hi,’
na cih theih loh nadingun tuate a pian ma-in
no tungah kong zasak khol khin hi.
6 Hih nate na za khin uh hi; a vekin en dih un.
Sang nai lo ding na hi uh hiam?
“Tu-a kipan mailam hun ah a thak nate, k
na theih loh uh a kisel nate kong gen ding hi.
7 Tu-in amaute kipiangsak khina, a sawtvei nai kei hi; l
tuni ma-in tuate na za nai kei uh hi.
Tua ahi ciangin, ‘Hi mah ei, ka theihsate hi ei,’
na ci thei kei ding uh hi. m
8 Na za ngei nai kei uh a zong na theitel ngei nai kei uh hi; n
khanglui hun lai-in na bil uh a kihong kei hi. o
Mi muantak na hi lo lam uh kong thei a;
na suah tungua kipan lehdote hong kici hi. p
9 Ka min ka khualna-in ka thangpaihna diah in; q
kei hong kipahtawina ka khualna-in
note kong thahmang loh nadingin note panin ka ki-ip hi.
10 En in, ngun siansak na bang zo kei uh zongun note kong siangsak hi;
gimna pummei-in note kong zia-et hi.
11 Keimah ka kikhualna, keimah ka kicihna-in hih ka sem hi. r
Kei le kei kiminsiasak buang ding ka hi hiam? s
Ka minthanna midang tungah ka pia kei ding hi. t
Israel Kikhah
12 “Jacob aw, ka thu ngai in, ukong sapsa Israel aw:
Amah keimah ka hi hi, v
ka cihpa a masapen le a tawpnapen ka hi hi. w
13 Ka khutin leitung bulpite ka phut a,
ka khut taklamin vante ka zal hi; x
amaute ka sapkhawm ciangin
a vekun a dingkip khawm uh hi.
14 “Note khempeuh hong kikhawm unla ngai un: y
Hih nate milimte a koi pen in hong genkhol ahi hiam?
TOPA koppih mipa in Babylon tungah
ama sawmna semkhia dinga,
a khutin Babylon mite ▼
▼48.14 Ahikeh Chaldea-te tg. 20 ah zong
a langpan ding hi.15 Keimah, kei tektekin ka gen khin hi;
hi hi, amah ka sam khin hi; aa
keimah in ka paipih a,
a nasepna a zo ding hi.
16 Ka kiang hong naih unla hih thu ngai dih un: ab “Ka zaksak masa pena kipan a simthamin ka gen kei hi; ac
tua hun mah in pianga, tualai ah kei ka om hi.”
Tua hi a tu-in Thupipen TOPA in ad
ama Kha tawh kei hong sawl hi. ae
17 Hih in TOPA gen ahi hi -
nangma Tanpa Israel Siangtho Pa in: af
“Kei mah TOPA na Pasian -
nang ading a hoihpen hong hilhpa, ag
na pai nading lampi hong lakpa ka hi hi. ah
18 Ka thupiakte na thusim nak leh
na lungmuanna gunpi bang dinga ai
na thumaanna tuipihual a bang ding hi. aj
19 Na suan na khakte sehnel bang dinga
na tate sim zawh loh sehnel tang zah a pha ding hi;
keima mai-ah amaute min kiphiat loin ak
zong a kisusia kei ding hi,” a ci hi.
20 Babylon paisan un,
Babylon mite taisan un!
Lungdamna tawh kiko-in, al
leimongte dongin puak unla,
“TOPA in a nasempa Jacob tankhia khin hi,”
ci-in tangko un. am
21 Amah in sehnel-gam kantanin a mite a paipih ciangin, a dangtak kei uh hi; an
amah in amaute adingin suangpi panin tuiluang bawl a; ao
amah in suangpi khangkhamsak a,
tui a phulkhia hi. ap
22 “Migilote adingin lungnopna a om kei hi,” TOPA in a ci hi.
Copyright information for
ZomZIV