Isa 6 | ZomZIV | STEP | Kumpipa Uzziah a sih kumin a sanga kitawisang kumpi tokhom tungah Topa a tu ka mu-a a puantualpi mong biakinnpi sung khempeuh a dim hi.

‏ Isaiah 6

Isaiah Kisawlna

1 Kumpipa Uzziah a sih kumin a sanga kitawisang kumpi tokhom tungah Topa a tu ka mu-a a puantualpi mong biakinnpi sung khempeuh a dim hi. 2 Ama tungsan ah seraph-te om in, kha guk a nei ciat uh hi. Kha nihin a mai uh tuam uh a, nihin a khete uh tuamin nihin a lengleng uh hi. 3 Amaute khat le khat kisamin:

Siangtho, siangtho, siangtho Thahatpen TOPA; ^a
a minthanna leitung buppi kidim hi,” a kici uh hi. ^b

4 Amaute aw hangin biakinnpi kongkhakmungte le khuambulte kilok a a sungah meikhu a dim hi. ^c

5 Tua ciangin gim ngahpa hi ta’ng ei! A mangthang hi ta’ng ei! Ahang in, kei muk ninpa ka hi-a, muk ninte lakah tengin ka mitin Kumpipa - Thahatpen TOPA ka mu zo hi,” ci-in ka kiko hi. ^d

6 Tua ciangin seraph-te khat biakna-tau a om mei-am khat taiteh-a tepsa-in ka kiangah hong leng hi. 7 Tua-in ka kam hong bi a, “En in, hih in na muk bi khin hi; na khialhna kilakhia khin a, na mawhna kikhuhcip zo hi,” hong ci hi. ^e

8 Tua ciangin Topa in, “Kua sawl ding ka hi hiam? Eite adingin kua pai ding hiam?” a cihna aw ka za hi. ^f

Tuateh, “Hiah ka om hi. Kei hong sawl in!” ka ci hi.

9 Amah in, “Pai inla hih mite kiangah va gen in: ^g

“‘Note in zaza napi theitel ngei loin;
mumu napi na mutel ngei kei ding uh hi. ^h
10 Hih mite lungtang saksak inla, ⁱ
a bil uh ngongsak in;
amaute mitsisak in. ^{▼▼6.9,10 Hebrew; Septuagint ah Na zakzak uh hangin na theitel ngei kei ding uh hi. Na muhmuh hangin na mutel ngei kei ding uh hi. / 10Hih mite lungtang sak mahmah a, a bil un a zak nading uh haksa a, a mit uh a si uh hi.
,} ^k
Tua hi kei leh a mit uh tawh mu-in
a bil uh tawh za-a, ^l
a lungtang uh tawh theitelin kihei ding uh a,
amaute ka damsak kha ding hi,’ hong ci hi.

11 Tua ciangin, “Topa aw, bang tan sawt lai ding hiam?” ka ci hi. ^m

Tuateh amah in:

“Khuapite kisia-in
kuamah a ten nawnloh ciang,
innte ah kuamah giak loin a kinusiat ciang,
le lote tulin gamkhing a suah ciangin, ⁿ
12 TOPA in mi peuhmah gamlapi ah a hawlmang ciang,
le tua gam a kinusiat ciang hi ding hi. ^o
13 Tua gamah mi sawm-ah khat a omlai zongin ^p
a kisusia kik lai ding hi.
Ahi hangin nahhi le tawsaw kungte a kiphuk khitin
a bulsum a om niloh bangin ^q
tua gamah khaici siangtho bul om niloh ding hi,” hong ci hi. ^r