Isaiah 64
1Nangma mai-ah mualliante a kilin nadinginvantungte balkekin hong kumsuk ve! a
2 Mei in selkang kuangsak a
tui a so bangin,
hong paisukin na galte tungah na min kitheisak inla
na mai-ah minamte lingsak in. b
3 Ahang in, ka lamet loh uh a mulkimhuai nate na bawl lai-in c
nong paisuk a, na mai-ah mualliante a kiling hi.
4 Tanglai-a kipan, amah a ngakte cihna-a
na a sepsak nang longal
Pasian khat beek kiza lo a,
bil in zong za kha loin mit khat beek in a mu ngei kei hi. d
5 Na lampi phawkin lungtaitakin
thumaana na a semte na huh hi.
Ahi hangin ka mawh ngitnget uh ciangin
nang na heh hi. e
Kote bang ka kici hotkhiat thei ding uh hiam?
6 Kote khempeuh a siang lo mipa ka bang uh a, f
thumaana ka sep khempeuh uh puanninte tawh a kibang hi; g
kote khempeuh nahthel keu ka bang uh a,
ka mawhnate un huih bangin kote hong mutleng mang hi. h
7 Kote na maitang nong selsan a i,
ka mawhna hangun hong patkhiasak na hi manin
kuamah in na min hong sam loin
pom hong sawm a om kei hi.
8 Tua hi napi TOPA aw, nang kote Pa na hi lai veve hi. j
Nang beelseekpa hi-in kote tungman ka hi uh a; k
na khuta nong bawlsa ka hi uh hi. l
9 TOPA aw, nak heh lua kei inla m
ka mawhnate uh ciamteh tawntung kei in. n
Kote khempeuh nangma mi ka hi manun
kong thum uh hi, ko lam hong nga in.
10 Na khuapi siangthote sehnel-gam suak ta a; o
Zion nangawn sehnel-gam suakin Jerusalem gamkhing a suak hi.
11 A siangtho a minthang ka biakinnpi uh, ka pate un nang hong phatna mun, p
mei in kangtum ta a,
ka gou koih khempeuh uh kisia ta hi. q
12 TOPA aw, hihte khempeuh nungin nang ki-ip lailai ding na hi hiam?
Nang dai khikhe-in dan hong thuaksaksak lai ding na hi hiam? r
Copyright information for
ZomZIV