Isa 65 | ZomZIV | STEP | “Kei hong kan lote tungah kei le kei ka kilaak a; kei hong zong lote in hong mu uh hi. Ka min hong sam lo minam khat tungah, ‘Hiah ka om hi, hiah ka om hi,’ ka ci hi.

‏ Isaiah 65

Thukhenna le Hotkhiatna

1 “Kei hong kan lote tungah kei le kei ka kilaak a;
kei hong zong lote in hong mu uh hi. ^a
Ka min hong sam lo minam khat tungah, ^b
‘Hiah ka om hi, hiah ka om hi,’ ka ci hi.
2 Sun nilohin a paupeng mite tungah
ka khut ka zan hi,
tua mite pen amau ngaihsutna zui-a ^c
lampi hoih lo a tawnte
3 huan sungah kithoihna-in biakna pia-a
leisek biakna-tau ah gim namtui halin
ka maitang tekteka
hong hehsakte; ^d
4 han lakah tu-a zan thapai-in
thungena a dap zan hahhahte;
voksa nete le amau beel sunga
sa siang lo tui a koihte;
5 ‘Nang a dingin siangtho lua ka hih manin
kihemkhia inla, hong neh kei in!’ a ci mite ahi uh hi.
Tua bang mite ka nak vang sungah meikhu hi uh a,
sun niloh a kuang den mei ahi uh hi.
6 “En in, ka mai-ah gelhsa-in a om hi:
Daitakin ka om nawn kei dinga, ^e
cingtakin ka thuk ding hi; ^f
7 amaute ang sungah note mawhna le na pate uh mawhnate ka thuk khawm ding hi,” ^g
TOPA in ci hi
“Bang hang hiam cih leh
amaute in mualliante tungah kithoihna hal uh a,
mualneute tungah ka min daisak uh ahi manin
amau sepsate thaman a cingin amau ang sungah, teh in ka thuk ding hi,” a ci hi. ^h

8 TOPA gen hih ahi hi:

“Lenggah bom ah lenggah tui om lai a,
mite in, ‘Tuate sungah a hoih pawlkhat om lai,
susia dah un,’ a cih bangin,
ka nasemte ka khualna-in tua bangin ka hih dinga ⁱ
a vekun ka susia khin kei ding hi.
9 Ka mualliante a nei dingin Jacob pan le ^j
Judah panin suan le khak ka piangkhiasak dinga; ^k
ka teelsa mite in tuate luahin,
tua lai-ah ka nasemte a teng ding uh hi.
10 Kei hong zong ka mite adingin
Sharon in, tuuhon gamtatna mun suak dinga, ^l
Achor Kuam, bawnghon giahna mun a suak ding hi.
11 “Ahi hangin TOPA a taisan ^m
ka mual siangtho a mangngilh nang, ⁿ
Kam-etna a sabuai phah a,
Sehkholhna adingin zuhelsa hai a sungpa, ^o
12 ken, namsau adingin nang kong sehkhol dinga, ^p
hong ngawngtan dingte dawhin na vekun na kun ding uh hi;
ahang in, kong sap hangin nong dawng kei uh a, ^q
kong gen hangin na ngai kei uh hi. ^r
Kei muhin gitlohna na sem uh a,
kei hong lungkimsak lote na teel uh hi,” a ci hi. ^s

13 Tua ahi ciangin Thupipen TOPA gen hih ahi hi:

“Ka nasemte in ne ding uh a, ^t
note na hi uh leh na gilkial ding uh hi;
ka nasemte in dawn ding uh a, ^u
note na hi uh leh na dangtak ding uh hi;
ka nasemte nuamsa ding uh a, ^v
note na hi uh leh hong kimaizumsak ding hi; ^w
14 Ka nasemte in amau lungsima pusuakkhia
lungdamna la sa ding uh a,
note na hi uh leh na lunggim man uh leh
na lungsim uh a kitapna hangin tau-in
na kapkhia ding uh hi. ^x
15 Ka mite in hamsiatna-a zat dingin
na min uh na nusia ding uh a; ^y
Thupipen TOPA in note hong thatin,
ahi hangin ama nasemte mindang a pia ding hi.
16 Leitungah thupha a ngen peuhmah in ^z
thutak Pasian suangin a hih ding hi; ^aa
leitungah a kiciamte in
thutak Pasian ah tomlo ding hi. ^ab
Ahang in, a beisa-a lungkhamnate kimangngilhin ^ac
ka mit panin kisel ta ding hi.

A Thak Vante le Lei Thak

17 “En un, a thak vante le lei thak khat
ka piangsak ding hi. ^ad
A masa nate kiphawk nawn loin ^ae
lungsimin zong a kingaihsun kha kei ding hi.
18 Ahi hangin, Jerusalem nopsakna-in
ka piangsak dinga
a sunga tengte nuamsa ding uh ahi manin
ka piansaksa sungah nuamsa-in kipak tawntung un.
19 Jerusalem tungah ka lungnuam dinga,
ka mite laka om nuam ka sa ding hi;
tua sungah kahna le
kikona aw kiza nawn lo ding hi. ^af
20 “Tua sungah naupang a ngeklai-a si
om nawn lo dinga,
putek a nuntak ding tan a nungta lo a om kei ding hi; ^ag
kum za khat nungta-a site,
a khansih in kingaihsun ding hi;
kum za pha ^{▼▼65.20 Ahikeh / mawhnei a hun tunga site} lo-a site
hamsia thuakin kiseh ding hi.
21 Amaute in inn lamin a sungah teng ding uh hi, ^ai
lengguite suan ding uh a, a gah a ne ding uh hi. ^aj
22 Amaute lamsa inn sungah midangte teng nawn lo dinga, ^ak
amau suansate midangte in a ne kei ding hi.
Ahang in, singkung khat a hin tan mah
ka mite nungta ding uh a; ^al
ka teelsate in amau sepsa
nuamtakin sawtpi a ne ding uh hi. ^am
23 Amaute, amaute le a suan a khakte uh
TOPA thupha piak ahi manin, ^an
a mawkna-a nasep suak loin, ^ao
khasiat nading lelin ta a nei kei ding uh hi. ^ap
24 Amaute hong sap ma-in ka dawng dinga;
amaute a paupau laitakun ka na za ding hi. ^aq
25 Keivom le tuuno gamta khawm dinga, ^ar
humpinelkai in bawngtal bangin buhtu a ne ding hi;
ahi hangin gulpi an ahileh leivui mah hi ding hi. ^as
Ka mual siangtho tung khempeuh ah
amaute a kiliamsak a kisusia a om kei ding uh hi,”

TOPA in ci hi.