Jeremiah 24
Theigah Bawm Nih
1Babylon kumpipa Nebuchadnezzar in Jerusalem pan Babylon ah Jehoiakim tapa Judah kumpipa Jehoiachin ▼▼24.1 Hebrew ah Jeconiah, Jehoiachin tawh kilamdang lo
le a uliante, Judah khutsiamte le nasep siamte salin a kaih khit ciangin TOPA biakinnpi mai-a kikoih theigah bawm nih TOPA in hong lak hi. 2Bawm khat limci mahmah a, apal hileh kilawm hi. A bawm khat pen limci het lo-a nek theih ding abang peuhmah kei hi. b 3 Tua ciangin TOPA in kei kiangah, “Jeremiah aw, bang na mu hiam?” ci-in hong dong hi. “Theigah,” ci-in ka dawnga, “Ahoihte limci mahmah a, a hoih lote nek theih ding a bang kei hi,” ka ci hi. 4 Tua ciangin TOPA thu kei tungah hong tunga: 5“TOPA Israel Pasian thugen hih ahi hi: ‘Hih mun pana Babylon mite ▼▼24.5 Ahikeh Chaldea-te
gama ka puakkhiat Judah mi saltangte, hih theigah hoihte bangin ka ngaihsun hi. 6Amaute hoihna limtakin ka encik dinga hih gamah ka puak kik ding hi. Amaute ka lam dinga ka sumang kei ding hi; amaute ka suan dinga ka botkhia kei ding hi. 7Keimah TOPA ka hilam hong theih nadingun lungsim ka guan ding hi. A lungsim khempeuh uh tawh kei kiangah hong kileh kik ding uh ahi manin amaute keima mi hi ding uh a, keimah amaute Pasian ka hi ding hi. d 8 Ahi hangin “‘Judah kumpipa Zedekiah le a uliante a kipan Jerusalem a, a omsuak, a om lai sunte ahi zongin Egypt a tengte ahi zongin, tua a limci lo lua a kine thei lo ding theigahte bangin ka bawl ding hi” TOPA in ci a, 9amaute ka hawlkhiatna mun peuhpeuh ah mite in kihamsiatna in a zat dingun simmawhna le zahkona ka thuaksak dinga, leitung kumpi-gam khempeuh in mudahin a langbawl ding uh hi. 10Amaute tungah namsau, kialpi le pulpi ka sawl dinga amaute le a pate uh ka piaksa gam pan amaute a susia ding hi,’ ci-in gen in,” hong ci hi. e
Copyright information for
ZomZIV