Jer 8 | ZomZIV | STEP | “‘Tua hun ciangin Judah kumpite le uliante guhte, siampite le kamsangte guhte, Jerusalem khua mite guhte a han panun kilakhia ding hi.

‏ Jeremiah 8

1 “‘Tua hun ciangin Judah kumpite le uliante guhte, siampite le kamsangte guhte, Jerusalem khua mite guhte a han panun kilakhia ding hi. 2 Amaute in itin a na a sep uh, a nung zui-in thu dongin a biak uh - nipi, khapi le vante a aksite khempeuh tungah a kiphokhia ding hi. Amaute kikhawm lo kiphum lo dinga leilakah a ki-eknusiat lel ding hi. 3 Hih a gilo minam, a kidelhkhia a om laite in a omna munmun-uah nuntak ding sangin sih ding teelzaw ding uh hi, Thahatpen TOPA in ci hi,’ ci-in gen in,” TOPA in ci khia hi. ^a

Mawhna le Dan

4 “Amaute kiangah, ‘Hih in TOPA gen ahi hi:

“Mite a puk ciangin tho kik uh hi lo ahi hiam? ^b
Mi khat a kiheikhiat ciangin kileh kik hi lo ahi hiam?
5 Tua ahileh bang hangin hih mite pialmang uh ahi hiam?
Bang hangin Jerusalem in lamkhial suak ahi hiam?
Amaute in zuauthu lenkip uh a, ^c
kileh kik ding a nial uh hi. ^d
6 Amau gente limtakin ka ngaih hangin
thumaan a gen kei uh hi.
A gitlohna uh a kisik kuamah om lo a, ^e
“Bang hih ka hi hiam? “a ci uh hi.
Sakol galsim bangin
amau tum ciatin a ta uh hi.
7 Vana tui vapite nangawn in
amau khuahunte thei uh a,
vakhu, phialphiah le hamsiam-te
a lal hunin lal uh hi.
Ahi hangin ka mite in
TOPA deihnate a thei kei uh hi.
8 “‘Bangci bangin note in,
“Ka pil uh a, TOPA thukham ka nei uh hi,” na ci uh hi, ^f
a taktakin lah laitheite’ laikung in
amaan lo suaksak hi lo ahi hiam?
9 Mipilte kimaizumsak dinga;
amaute lungneu-in a kiman ding hi. ^g
TOPA thu a nial nungsangun ^h
bang pilna nam nei uh ahi hiam? ⁱ
10 Tua ahi ciangin a zite uh midangte ka piaksak dinga,
a lote uh midangte ka piaksak ding hi. ^j
Aneupen pan alianpen dong,
met nading lamah a huaiham uh hi;
kamsangte le siampite in
a vek un a kibangin zuau a phuak uh hi. ^k
11 Amaute in ka mite liamma
a nasia lo bangin tuamsak uh a
kilemna om lopi,
“Kilemna, kilemna,” a ci uh hi.
12 A muh thadahhuai-in a gamtat uh, a maizum beek uh hiam?
Them zong maizum lo uh a, ^l
kisuannazia ding nangawn a thei kei uh hi.
Tua ciangin a puksate lakah puk uh a,
amaute dan a kithuaksak ciangin a kilawnsuk ding hi,’

TOPA in ci hi.
13 “‘A khopsa uh ante ka lakmangsak ding hi,

TOPA in cikhia hi.
Lenggui tungah lenggah a gah kei ding hi. ^m
Theikungte gah nawn lo dinga ⁿ
a tehte keu ding hi.
Amau ka piaksate
ka laksak ding hi,’ ^{▼▼8.13 Hebrew in hih gual a khiatna kician lo hi.} ci in,” a ci hi.
14 “Bang hangin hih lai-ah tu lailai i hi hiam?
I vekin kikaikhawm dih ni!
Kulh-a ki-um khuapite ah tai-in
tua lai-ah va si mai ni!
Ahang in, TOPA eite Pasian in a si dingin hong koih a,
i dawn ding gutui hong pia khin hi, ^p
tua pen ama tungah i mawh hang ahi hi. ^q
15 Kilemna i lamet hangin ^r
a hoih lo hong tunga,
cidamna i lamet hangin
lauhuaina bek hong tung hi.
16 Dan pana ^s
galte’ sakol nakging kiza a,
amau sakol hatte hamna in
gambuppi a lingsak hi.
Amaute i gam sunga om teng,
khuapi le a sunga omte khempeuh a susiamang dinga
hong kuan uh ahi hi,” a ci ding uh hi.
17 “En un, note lakah gul gu nei,
a kizualsak zo lo ngan kong sawl dinga, ^t
note hong tu ding uh hi,”

TOPA in cikhia hi.
18 Ka dah cianga ka Hehnempa ^{▼▼8.18 Hebrew ah hih kammal kician lo hi.} aw,
ka lungsim na mahmah hi.
19 Gamlapi pana ka mite kikona ngai in: ^v
“Zion ah TOPA om nawn lo ahi hiam?
A kumpipa tua lai-ah
om nawn lo ahi hiam?
“Bang hangin amaute in a milimte uh le ^w
kimanna a nei lo a gamdang milimte uh tawh kei hong hehsak uh ahi hiam? ^x
20 An lak hun khengta in,
khuakhal hun zong bei ta a,
eite lah hong kihon nai lo hi,” a ci uh hi.
21 Ka mite a kigawibawl nungsang, kei hong kigawi hi a; ^y
kei thumin lungkhamna in hong lencip hi. ^z
22 Gilead ah zatui om lo ahi hiam?
Tua lai-ah zato siam om lo ahi hiam?
Bang hanga ka mite liamma
dam thei lo ahi hiam?