Job 28 | ZomZIV | STEP | “Ngun kitawhna khuk khat om in, kham siansakna mun khat om hi.

‏ Job 28

1 “Ngun kitawhna khuk khat om in,
kham siansakna mun khat om hi. ^a
2 Lei panin sik a kilakhia hi-a,
sumsan suang panin sumsan a kihaltui ahi hi. ^b
3 Mihing in khuamial beisak a, ^c
a mial penna muna sumsan suang zongin
a gamla pen mun dong a ban hi. ^d
4 Mite tenna mun pan gamlapi-ah leisung tolet a, ^e
mihing khe tun lohna mihing pan gamlapi ah
khai linglengin a kivei hi.
5 An piankhiatna leitang ^f
a nuai pana mei-a hal bangin kikhel a;
6 a suangte panin sapphire ^{▼▼28.6 Ahikeh lapis lazuli; tg 16 ah zong} piang khia a, ^h
a suangvui lakah khamvui a kihel hi. ⁱ
7 Vasa ahikeh sasialnete in tua kawmbu zawi thei lo uh a,
simbung in zong tua mun a mu nai kei hi.
8 Gamsa kisatheite in sikkha nai lo uh a, ^j
humpinelkai zong a thamvak kha nai kei hi.
9 Mihing khutin meisah suangte to-a, ^k
mualpi bulte a tomang hi. ^l
10 Amah in suangtumpi tovang a;
a mitin goute khempeuh a mu hi.
11 Gun nakte zong ^{▼▼28.11 Septuagint Aquila le Vulgate; Hebrew ah Ama kholsa} kawikawi a, ⁿ
a kisel nate a lakhia hi. ^o
12 “Ahi hangin pilna koi lai-ah kimu ding ahi hiam, ^p
theihtelna koi lai-ah teng ahi hiam?
13 Mihing in a manphatna sehkhia zo lo a; ^q
nuntakna neite gamah a kimu thei kei hi. ^r
14 Tui thukna in, ‘Kei tawh om kei’ ci a; ^s
tuipi in, ‘ko tawh om lo hi’ ci hi. ^t
15 Kham hoih penpenin kilei thei lo a,
ngunin zong a man ding kiteh thei lo hi. ^u
16 Ophir khamin kilei thei lo a, ^v
a manpha onyx ahikeh sapphire in zong a kilei thei kei hi. ^w
17 Kham ahi a crystal tawh ahi zongin kitehkak thei lo a, ^x
kham tawh kibawl suang manpha in zong a kikhek thei kei hi.
18 Coral le jasper bel gen tham vet lo hi; ^y
pilna man ahileh ruby-te sangin manpha zaw tham hi. ^z
19 Cush pana topaz tawh tehkak theih hi lo a, ^aa
kham citak in zong a kilei thei kei hi. ^ab
20 Tua ahileh pilna koi pan hong pai ahi hiam?
Theihtelna koi-ah teng ahi hiam? ^ac
21 “A nungta na peuhmah’ mit ah kisel a,
huih lak vasate pan nangawn ah kisincip hi.
22 Siatna ^{▼▼28.22 Hebrew ah Abaddon} le Sihna in,
‘Kam lengsawn bekin ama thu ka za uh hi,’ ci uh hi. ^ae
23 Pasian in pilna lampi theitel a,
a tenna mun amah bek in thei hi, ^af
24 ahang in, amah in leimong dong mu a, ^ag
vantungte nuai-a na khempeuh a mu hi. ^ah
25 Amah in huih hatna a bawl lai,
tuite a teh lai, ^ai
26 guahtui a ding thukip a bawl lai, ^aj
vanging - khuaphia ading lampi a sial lai-in, ^ak
27 pilna enin aman seh a,
kipsak in a sin hi. ^al
28 Tuateh mihing kiangah, ‘Topa kihtakna -
tua in pilna hi a,
gitlohna pelhna in theihtelna hi,’ ci hi,” a ci hi. ^am