Mic 1 | ZomZIV | STEP | Judah kumpi in Jotham, Ahaz le Hezekiah-te aman laitak, Moresheth mi Micah tungah TOPA thupiak - Samaria le Jerusalem tawh kisai a mangmuhna ahi hi.

‏ Micah 1

1 Judah kumpi in Jotham, Ahaz le Hezekiah-te aman laitak, Moresheth mi Micah tungah TOPA thupiak - Samaria le Jerusalem tawh kisai a mangmuhna ahi hi. ^a

2 No mihingte khempeuh aw, ngai unla za un;
leitung le a sunga omte khempeuh aw, ^b
Topa Thupipen TOPA in a biakinnpi siangtho panin
note langkhatah teci a pang hi. ^c

Samaria le Jerusalem Langah Thukhenna

3 En un! A tenna mun panin TOPA hong pai hi;
hong paisuka leitunga munsangte a siksuk hi. ^d
4 Ama mai-ah mualliante tuisuak in, ^e
guamte kikhenkham dinga
mei gei-a khuainun koih le
ken-a tui luangsuk abang ding hi.
5 Hihte khempeuh Jacob khialhna hang,
Israel innkuante mawhna hang ahi hi.
Jacob khialhna bang ahi hiam?
Samaria hi lo ahi hiam? ^f
Judah munsang bang ahi hiam?
Jerusalem hi lo ahi hiam?
6 “Tua ahi manin Samaria, nin kholna,
lenggui cinna mun ka suaksak ding hi.
A suangtumte guam sungah ka sung dinga, ^g
a khuambul pite ka dawksak ding hi. ^h
7 A milimte khempeuh kitamzan ding hi;
biakinnpi a na piakte khempeuh uh mei-in kihal ding hi;
tuanu bawl milimte ka susia ding hi.
Kizuak thamana kipiate a khop ahi nungsang ⁱ
amaute zong kizuakna man ding mahin kizang ding hi,” a ci hi.

Kahna le Thumna

8 Hih thu hangin kapin ka thum ding hi; ^j
puan silh loin ka kheguakin ka pai ding hi.
Gam-ui bangin ka ham dinga,
simbu bangin ka thum ding hi.
9 Ahang in, a liamma kidamsak thei lo hi;
tua bangin Judah in a thuak hi. ^k
Tua ^{▼▼1.9 Ahikeh Amah} in kongpi tektek dong bana,
Jerusalem dong nangawn a ban hi. ^m
10 Gath ^{▼▼1.10 Gath pen Hebrew in gen cihna tawh a aw kibang} ah gen kei un;
kap peuhmah kei un. ^{▼▼1.10 Hebrew; Septuagint ah Acco hih tuak lo hi. Hebrew ah Acco pen kap cihna tawh a aw kibang hi}
Beth Ophrah ^{▼▼1.10 Beth Ophrah pen leivui inn cihna} ah
leivui lakah kikhuk un.
11 Shaphir ^{▼▼1.11 Shaphir pen nuam cihna} a tengte aw,
guaktang le maizumsa-in paisuak un. ^r
Zaanan ^{▼▼1.11 Zaanan pen pen Hebrew in paikhia cihna tawh a aw kibang hi.} a tengte,
hong paikhia kei ding uh hi.
Beth Ezel a thumthum hi;
ama kidalna no na hi uh hi.
12 Maroth ^{▼▼1.12 Maroth pen Hebrew in kha cihna tawh a aw kibang hi.} a tengte in na sa uh a,
kinuai-in hotkhiat ding a ngak uh hi; ^u
bang hang hiam cih leh TOPA tung pana gimna lianpi, ^v
Jerusalem kongpi dong nangawn a tung ta hi.
13 Lachish ^{▼▼1.13 Lachish pen Hebrew in kapkhat cihna a aw kibang hi.} a tengte aw,
na sakol galkapte uh a van vawh un.
Note sungah
Israel khialhna kimu ahi manin
Zion Tanu
mawhna kipatna na suak uh hi.
14 Tua ahi manin Moresheth Gath tungah
mangpha khakna letsong na pia ding uh hi. ^x
Aczib ^{▼▼1.14 Aczib pen khemna cihna ahi hi.} khuapi in
Israel kumpite a khem ding hi. ^z
15 Mareshah ^{▼▼1.15 Hebrew in Mareshah pen gualzopa cihna aw tawh kibang} a tengte aw,
note hong zo ding mi kong kuansak ding hi!
Israel minthannapa Adullam dongin
hong pai ding hi.
16 Na it mahmah uh na tate uh adingin thum unla
na lu uh mettol un;
saltaang dingin no kiang pan paikhia ding uh ahi manin ^ab
musane bangin no le no na lu uh kitolsak un.