Mic 5 | ZomZIV | STEP | Khuapi galkapte aw, i galte in hong umcih khin uh ahi manin na galkapte uh kithawisak un. Amaute in molhtumin Israel gam-ukpa biang sat ding uh hi.

b Jn 7:42; Pc 48:7

d 1Sa 13:14

gMt 2:6*

h Isa 40:11; Eze 34:11-15

‏ Micah 5

Bethlehem Pan Ukpa Kamciam

1 Khuapi galkapte ^{▼▼5.1 Ahikeh Kulh a ki-um khuapi aw, na kulh khauhsak in} aw, i galte in hong umcih khin uh ahi manin
na galkapte uh kithawisak un.
Amaute in molhtumin
Israel gam-ukpa biang sat ding uh hi.
2 Ahi hangin nang Bethlehem Ephrathah aw, ^b
Judah bawng’te ^{▼▼5.2 Ahikeh gam-ukte} sung pan aneu na hi hangin
nang sungah Israel ukpa ding khat
kei adingin a piangkhia ding hi; ^d
amah tanglai hunte pan ^{▼▼5.2 Hebrew in pai khiakhia}
tangtawng pek pana ^{▼▼5.2 Ahikeh a tawntung nite panin} omsa ahi hi. ^g
3 Tua ahi ciangin numei in nausuah hun khempeuh a khit hun mateng
Israel kinusia phot dinga,
a omlaisun a sanggamte, Israel mite pawl dingin
a ciah kik ding uh hi.
4 TOPA hatna sungah amah dingkipin,
TOPA ama Pasian min thupi sungah
a tuuhonte a cing ding hi. ^h
Tua ciangin amau liatna in leimong dong ban ding ahi manin
amaute galmuangtakin a teng ding uh hi.
5 Tuateh amaute lungmuanna amah hi ding hi.

Hutkhiatna le Siatsakna

Assyria mite in i gam hong sima, ⁱ
i kulh muanhuaite kantanin a pai uh ciangin
eite in ama langkhatah tuucing sagih tham lo,
makai giat nangawn i dingsak ding hi.
6 Amaute in namsau tawh Assyria gam uk ^{▼▼5.6Ahikeh satnen} ding uh a,
namsau dawhsa ^{▼▼5.6 Ahikeh Nimrod a kongpite} tawh Nimrod gam a uk ding uh hi. ^l
Amah i gamgi sungah hong luta,
i gam hong sim ciangin
Assyria-te panin eite hong hukhia ding hi. ^m
7 A baanglai Jacob-te pen,
mihing tampite lakah
mihing sep ahi lo,
mihing tunga kinga zong ahi lo
TOPA tungpan daitui le ⁿ
lopa tunga guahtui a bang ahi ding uh hi.
8 Minamte lakah a baanglai Jacob-te, om ding uh a,
mi tampite laizangah
tulaka gamsate laka humpinelkai le ^o
tuuhonte laka humpinelkai khanglaite in
a pai kawmun mancipin balzan uh a, ^p
kuamah in a hotkhiat theih loh bangin a gamta ding uh hi.
9 Na galte uh zawhna khut hong kilaamtosak dinga, ^q
na galte khempeuh a kisusia khin ding hi.

10 TOPA in, “Tua ni ciangin note laka

na sakolte uh maimangsakin na sakollengte uh
ka susia ding hi.
11 Na gam khuapite uh ka susia dinga, ^r
na mun muanhuaite uh ka balkham ding hi. ^s
12 Na mibum siamte uh ka siasak dinga,
ai na san thei nawn kei ding uh hi. ^t
13 Na khuak tawm uh milimte le
no laka na suang siangthote uh ka susiagawp ding hi;
na khutte uh bawlsate
na bia nawn kei ding uh hi.
14 Note lakah Asherah khuamte ^{▼▼5.14 Tua in nusian Asherah limte} ka botkhia dinga,
na khuapite uh ka susiamang ding hi.
15 Keimah in ka thu hong mang lo minamte tungah
hehna le thangpaihna tawh a phu uh ka la ding hi,” cikhia hi. ^v