bIsa 18:12

‏

Obadiah

‏ Obadiah

1 Obadiah mangmuhna.

Hih in Edom tawh kisai Thupipen TOPA thugen ahi hi - ^a

TOPA tung pan thupuak ka za khin uh hi:
Minamte tungah palai khat kisawl khin a, ^b
“Kithawi un, amah do dingin kuan ni,” - kicisak hi. ^c
2 “En un, minamte lakah note kong neusak dinga,
hong kisimmawh mahmah ding hi.
3 Suangpi ^{▼▼1.3 Ahikeh Sela ah} kitamte sungah tenga,
asanna munte ah inn lamin,
‘Kua in leitungah hong kaikhiasuk zo ding hiam?’ ^e
a ci note aw, na lungsim kiphatsakna un
note hong khem khin zo hi. ^f
4 Muvanlai bangin sangpi ah laamtoin
aksite lakah bu na tom hangin ^g
tua panin kong kaikhiasuk veve ding hi” ^h

TOPA in cikhia hi.
5 “Zanin na kiangah gutate le
misuamte hong pai-in -
supna lianpi na thuak hangin -
amaute deihzah bek hong guksak ding hi lo hiam?
Lenggah lo-te na kiangah hong pai leh
lenggah tawmkha nusia lai buang ding uh hi lo hiam? ⁱ
6 Ahi hangin Esau kibuluhin a gou selsim khempeuh
a kilongmang khin hi.
7 Na kipawlpihte un, gamgi dong hong hawlkhia ding uh hi; ^j
na lawmte un hong khemin hong nopneh gawp ding uh hi.
Na an uh a nete in note hong thangsiah ding uh a, ^{▼▼1.7 Hebrew in hih gualteng a khiatna kician lo}
ahi hangin na mukhia zo kei ding uh hi.
8 TOPA in genkhia hi, “Tua ni ciangin Edom mipilte, ^l
Esau mualte a thu theitel mite
susia lo ding ka hi hiam?
9 Teman aw, na galhangte lauthawng mahmah ding uh a, ^m
Esau muala thu theitelte
kigawhna ah kivattuk ding hi.
10 Na sanggampa Jacob tunga na ngongtatna hangin
nang hong kimaizumsak dinga,
a tawntungin hong kisusia ding hi. ⁿ
11 Nang guak na tangdin ni, mikhualte in
a neihsa manpha teng a laksak laitak le
gamdang mite a kongpi ah lutin
Jerusalem tungah ai a san uh ciangin
note zong amaute lakah a kihel mah na suak uh hi.
12 Na sanggampa a tuahsiat ni-in,
na neu-et kei ding hi; ^o
Judah-te a kisiat ni-un nuam loin ^p
a lungkham ni-un
na awibawl kei ding hi. ^q
13 Ka mite in haksatna a tuah ciangin
amaute kongpi ah na pai kei ding uh hi -
a tuahsiat ni-in ^r
amaute neumuh kei unla
a kisiat ni-un
a van manphate uh laksak kei un.
14 A suakta sunte khaktan dingin
lamkabom ah ding kei unla;
a lungkham ni-un a nungta sunsunte
a galte uh khutah na pia kei ding uh hi.
15 “Minam khempeuh tungah
TOPA ni ding nai ta hi.
Na sepsa bangin nang tungah hong kisem ding hi.
na sepsate uh nomau lubuk ah hong tu ding hi. ^s
16 Ka mual siangtho tunga na dawn bang tektekun
minam khempeuh in dawn suak ding uh hi; ^t
dawndawn ding uh a,
a piang ngei lo mah bang ding uh hi.
17 Ahi hangin Zion Vum kihonkhia ding hi, ^u
tua pen kisiangthosakin ^v
Jacob innkuan in
a gou teng luah ding hi.
18 Jacob innkuante mei hi-in,
Joseph innkuante meikuang hi ding uh a,
Esau innkuante ninpaa hi-in,
mei sungah kikhul dinga a kangtum ding hi. ^w
Esau innkuante sung pan a suakta
a om kei ding uh hi,” ci-in

TOPA in a gensa ahi hi.
19 Negev pana mite in
Esau mualliante tang ding uh a,
mualbula mite in
Philistia-te gam nei ding uh hi
Amaute in Ephraim le Samaria lote tang ding uh a,
Benjamin in Gilead a tang ding hi.
20 Canaan gama Israel saltaangte in
leitang Zaraphath dong a tang ding uh hi; ^x
Jerusalem pana saltaang Sepharad a omte in
Negev khuapite a tang ding uh hi. ^y
21 Esau mualte uk dingin a hukhia ding mite,
Zion mualtungah ^{▼▼1.21 Ahikeh panin} paito ding uh hi.
Tua ciangin tua kumpi-gam TOPA aa hi ding hi.