Pro 14 | ZomZIV | STEP | Numei pil in a inn lama, numei hai in ahileh ama khut mah in a inn phel hi.

1 Numei pil in a inn lama, ^a
numei hai in ahileh ama khut mah in a inn phel hi.
2 Thutanga kalsuan mi in TOPA kihta a,
thukawi lampi tawnpa in ahileh amah a simmawh hi.
3 Mihaite kampau in a nungzangah ciangduai tusak a, ^b
mipilte muk in ahileh amaute dal hi. ^c
4 Bawngtal om lohna ah gankuang hawm a,
ahi hangin bawngtal hatna hangin an tampitak kila hi. ^d
5 A thutak teci in zuau gen lo a,
teci maan lo in ahileh zuau a phuak hi. ^e
6 Mi simmawhte in pilna a zon hangin bangmah mu lo a,
thu saikak-theite in theihna mu ziau hi. ^f
7 Mihai tawh kithuah kei in,
ama muk pan theihna na mu kei ding hi.
8 A kidawm thei mi’ pilna, ngaihsunsun-a gamtatna hi-a, ^g
mihaite haina ahileh khemna ahi hi.
9 Mihaite in mawh maisakna zahpih a,
a thutangte lakah deihsakna kimu hi.
10 Lungtang in ama khaatna thei tek a,
kuamah dangin a lungnoppih thei kei hi.
11 Migilote’ inn kisusia dinga, ^h
a thutangte’ buk ahileh a gina semsem ding hi. ⁱ
12 Mi khat adingin amaan hileh kilawm lampi khat om a, ^j
ahi hangin tua in a tawpna ah sihna a tun hi. ^k
13 Nuih kawm nangawnin lungsim na thei a, ^l
lungnopna zong dahna-in kikhum thei hi.
14 Muanna nei lo mi a gamtatna bangin kithuk dinga,
mi hoih in ahileh pahtakman sang ding hi. ^m
15 Mimawl in na khatpeuh um a,
a kidawm thei mi in a kalsuan nading a ngaihsun hi.
16 Mipil in TOPA kihta-in gitlohna peel a, ⁿ
mihai in ahileh ngaihsun khol loin amtat hi. ^o
17 A hehbaihte hai gamtat a, ^p
a gitloh pilte kimudah hi.
18 Mimawhte in haina luah a,
a kidawmtheite ahileh theihna kikhusak hi.
19 Mi hoihte a omna ah mi hoih lote kun in,
thumaan kongpite ah migilote kun ding uh hi. ^q
20 Mizawngte, a vengte nangawn in pel uh a,
mihaute in lawm tampi nei uh hi. ^r
21 A vengpa a simmawhte a mawh hi-a, ^s
a tasamte tunga migite thupha ngah ahi hi.
22 Gitloh sawmsimte lamkhial hi lo hiam? ^t
Hoih a sawmte in ahileh itna le muanhuaina lawhtak ^{▼▼14.22 Ahikeh lak} hi.
23 Nasep haksa khempeuh metna hi-a,
kamsik lel pen zawnna bek ahi hi.
24 Mipilte hauhna amau lukhu hi-a,
mihaite haina in ahileh haina mah a suah hi.
25 A thutak teci in nuntakna honkhia a,
teci zuau in ahileh zuau a phuak hi. ^v
26 TOPA a kihta mi, kulh muanhuai nei hi-a; ^w
a tate adingin bukna hi ding hi. ^x
27 TOPA kihtakna in nuntakna tuikhuk hi-a, ^y
sihna thangte panin mi khat kipelhsak hi. ^z
28 Gammi tamna in kumpipa’ minthanna hi a, ^aa
a uk ding mi om kei leh kumpitapa kisia hi.
29 A lungduai mi, theihtelna lianpi nei hi-a, ^ab
a lungtom mi ahileh a haina pulak lel ahi hi. ^ac
30 Lungnopna in pumpi adingin nuntakna hi-a,
enna in ahileh guhte a muatsak hi.
31 Mizawngte a nengcipte, amaute a Bawlpa simmawh hi-a, ^ad
a tasamte tungah migi peuhmah Pasian pahtawi ahi hi. ^ae
32 Tuahsiatna a tun ciangin migilote tavai uh a, ^af
thumaante in ahileh sihna nangawn ah bukna nei lai uh hi.
33 Thu theikakte lungsim ah pilna giak a, ^ag
mihaite lak nangawn ah amah le amah a kitheisak ^{▼▼14.33 Hebrew; Septuagint le Syriac ah / mihaite lungsim ah ahileh tuanu a thei uh hi} hi.
34 Thumaanna in minam tawisang a, ^ai
mawhna ahileh mi khatpeuh adingin mindaina ahi hi.
35 A pil nasempa tungah kumpipa lungkima,
a zumhuai nasempa in ahileh thangpaisak hi. ^aj