Pro 31 | ZomZIV | STEP | Kumpi Lemuel thugente - a nu hilhsa thusuak khat in:

‏ Proverbs 31

Kumpi Lemuel Thugente

1 Kumpi Lemuel thugente - a nu hilhsa thusuak ^{▼▼31.1 Ahikeh Massa kumpipa Lemuel a nu in a hilhsa} khat in: ^b

2 “Ka tapa aw, ka sunga piang ka tapa aw,
ka kiciamna ^{▼▼31.2 Ahikeh / ka thunget hong kidawnna} tapa aw, ^d
3 na thahatna numeite tungah zang kei inla,
kumpipa susia nuampa tungah na thatang pia kei in. ^e
4 “Lemuel aw, kumpite hih dinga kilawm lote -
kumpite in zu dawn loin, gam-ukte in
zucil lunggulh lua kei hen,
5 dawn le uh thukham’ thukipte mangngilhin,
a kinuainette hamphatna khempeuh tansak kha ding uh hi. ^f
6 A si dekdekte zucil pia inla
a lunggimte zu pia in; ^g
7 dawn uh henla a zawn lam uh mangngilh in, ^h
a gentheihna uh phawk nawn kei uh hen.
8 “Amau thu a gen thei lote tangin gensak inla, ⁱ
neih a nei lote hamphat nadingin pang in.
9 A kilawm a kituakin kampau-in thu khen in;
azawngte le a tasamte hamphatna gupsak in,” a ci hi. ^j

Khupna: A Nampi Gamtat Zi

10 ^{▼▼31.10 Tang 10-31 dong a kidawngtawi hi a, a tang kimin Hebrew Lai Bulpi zui-a kigual ahi hi} A nampi gamtat zi kua in mu zo hiam? ^l
Ruby suang sangin manphazaw tham hi.
11 A pasal in muang mahmah a, ^m
a manpha bangmah a tasam kei hi.
12 Amah in a pasal tungah a nuntak sungteng
siatna tun loin thuhoih a tun hi.
13 Amah in samul le khau teelin
lawptakin na sem hi. ⁿ
14 Amah sumbawl tembaw tawh kibang a,
gamlapi panin an a pua hi.
15 Amah khuamial lai pi-in tho a,
a innkuanpihte ading an bawlin
a nasem numeite sep ding teng a hawmsak hi.
16 Amah’n lo hoih zongin lei-a;
ama thalawhsa-in lenggui a suan hi.
17 Nasep hahkat mahmah a,
a nasepna adingin a bante khauh hi.
18 A sumbawlna met sa a,
zanin a meivak a mit kei hi.
19 A khutin mui tawi-a,
a khutmete in muikung a len hi.
20 Mizawngte huai-in a tasamte a zam hi. ^o
21 A innkuanbup puansan guan zo ahi manin
vuk a kiat hangin a innkuante ading a lunghimawh kei hi.
22 A lupna tuam ding bawl-a;
saihadial puan hoih le puan dupsante a silh hi.
23 Khuapi kongpi a gamsung upate lakah
a pasal a tut ciangin kizahtak hi. ^p
24 Amah in saihadial puante khui-in zuaka,
sumbukte tungah puan kawnggakte puak den hi.
25 Amah thahatin zahtakbaang a;
mailam hun ding a nuihsan lel hi.
26 Amah pil kampau-a
a muanhuai lamlahna a gen hi. ^q
27 Amah in a innkuan sung vana,
zawntatna an a ne kei hi.
28 A tate tho-in, ama tungah thupha ci uh a;
a pasal in zong tuamah ci-in:
29 “Numei tampi in na thupite sem taleh
tuate khempeuh na khup hi,” ci-in a phat hi.
30 Ngaihbaanna in hong khem thei a, mel hoihna lah mual pah hi;
TOPA kihta numei ahileh phat ding ahi hi.
31 A thalawhsa pahtakman pia unla,
ama sepsa hangin khuapi kongpi ah amah kipahtawi hen.