‏ Psalms 119

א Aleph

1 TOPA thukham zui-in kalsuan a
a gamtatna uh genbaanna a om lo mite thupha ngah ahi hi. ^a
2 Ama ngeinakipte zui-a, ^b
amau lungsim neihzah a amah a zongte thupha ngah ahi uh hi. ^c
3 Amaute in khialhna bangmah sem lo a,
ama lampite a tawn uh hi.
4 Nang in a veka man’ kim ding
thusehte na koih khin hi.
5 Na thukipte ka zuih manin
ka lampite kip leh maw!
6 Tua hileh na thupiakte khempeuh ka ngaihsut ciangin
ka mai hong zumsak lo ding hi.
7 Na thukham maante ka sin bangin
lungsim tangtakin nang kong phat ding hi. ^d
8 Na thukipte ka mang ding hi;
kei hong nusiacipsak kei in.

ב Beth

9 Tangvalno khat in a gamtatna a siangtho-in bangci kep thei ding hiam? ^e
Na thu banga nuntakna in a siangthosak thei ding hi.
10 Ka lungsim neihzahin nang kong zong hi;
na thupiakte panin kei hong pialsak kei in.
11 Nang tungah ka mawh khak loh nadingin ^f
ka lungsim sungah na thu ka seel hi. ^g
12 TOPA aw, nangmah hong kiphat hen;
na thukipte kei hong hilh in.
13 Na kam pana pusuak thukham khempeuh
ka mukin ka simkik hi.
14 Mi khat in hauhna lianpi a lungnoppih bangin
na ngeinakipte zuih ka lungnoppih hi.
15 Na thusehte ka lungngaingai-a,
na lampite ka ngaihsunsun hi.
16 Na thukipte ah ka lungtai hi;
na thu ka thusim lo kei ding hi.

ג Gimel

17 Na nasempa tungah hong hoih lecin ka nungta dinga; ^h
na thu ka mang ding hi.
18 Na thukham sunga a lamdang nate
ka muh theih nadingin ka mitte vaksak in.
19 Leitungah mikhual ka hi hi;
kei panin na thupiakte sel kei in.
20 Na thukhamte ka deihluat denna in
ka hinna valhtum hi. ⁱ
21 Nangmah in a ki-uangsak hamsiat thuak, ^j
na thupiakte pana pialte na tai hi.
22 Keimah in na ngeinakipte zui ka hi manin
kei kiang panin thusimlohna le simmawhna hemkhia in. ^k
23 Uliante tukhawmin kei hong gensiat uh hangin
na nasempa in na thukipte a lungngaingai ding hi.
24 Na ngeinakipte nuam ka sa hi;
thu hong kuppih tuate ahi hi.

ד Daleth

25 Leivui lakah hong kisial hi;
na thu bangin ka nuntakna hong hawi in. ^l
26 Ka lampite ka sut kika nong dawng hi;
na thukipte hong hilh in.
27 Na thusehte a deihna hong theitelsak in;
tua ciangin nangma nalamdangte ka lungngaingai ding hi. ^m
28 Keima hinna dah in gim hi; ⁿ
na thu bangin tha hong guan in. ^o
29 Lampi zuaute panin kei hong kem inla; ^p
na thukham tawnin kei hong hehpih in. ^q
30 Thutak lampi ka teel khin a; ^r
na thukhamte ah keima lungsim ka nga hi. ^s
31 TOPA aw, na ngeina kipte ka lenkip hi; ^t
kei hong maizumsak kei in.
32 Ka lungsim suaktasak na hi manin
na thupiakte lam ah ka tai hi.

ה He

33 TOPA aw, na thukipte zuih ding hong hilh in;
tua hileh a tawp dong ka zui ding hi.
34 Theihtelna hong guan lecin na thukham ka zui dinga
ka lungsim neihzahin ka mang ding hi. ^u
35 Na thupiakte lam ah hong makaih in, ^v
ahang in tua lai nuam ka sa hi.
36 Na ngeina kipte lamah ka lungsim hei inla ^w
angsung khualna lam ngasak kei in.
37 Man neilo nate panin ka mitte heikhia inla;
na thu ▼

▼ 37 Masoretic Bupi nih le Tuipisan Laizial, Masoretic Bupi khempeuh ah nang lampi tawnin nungta

bangin ka nuntakna hawi in. ^y
38 Nang kong kihtak theih nadingin
na nasempa tunga na thuciam tangtun in. ^z
39 Na thukhamte hoih ahi manin
a lauhuai maimawlna lamang in. ^aa
40 Na thusehte ngai nang e!
Nangma thumaanna-in ka nuntakna hong hawi in.

ו Waw

41 TOPA aw, nangma itna kip le
na thuciam banga na hotkhiatna kei tungah hong tung ta hen;
42 tua hileh na thu muang ka hi manin ^ab
kei hong selnohpa ka dawng thei ding hi.
43 Na thukhamte lamen ka hi manin
na thutak kammal ka kam panin lakhia kei in.
44 A tawntungin
nangma thukham ka mang den ding hi. ^ac
45 Na thusehte theikhia khin ka hi manin
suakta takin ah ka vak kawikawi ding hi.
46 Kumpite mai-ah na ngeinakipte ka gen dinga, ^ad
hong kimaizumsak kei ding hi,
47 ahang in, tuate it ka hi manin
na thupiakte nuam ka sa hi. ^ae
48 Ka it na thupiakte lamah ▼

▼ 48 Ahikeh adingin

ka khut ka lamto a,
na thukipte ka lungngaingai hi. ^ag

ז Zayin

49 Kei hong lamensak khin na hi manin
na nasempa tunga na kammal phawk in.
50 Ka thuak laitak-a ka kihehnepna hih ahi hi:
Na thuciam in ka nuntakna a hawi hi.
51 A ki-uangsakte in a utut un kei hong zahpih uh a, ^ah
ahi hangin na thukham ka kihei san kei hi. ^ai
52 TOPA aw, nangma tanglai thukhamte ka phawk gige a, ^aj
tuate ka lungnoppih hi.
53 Na thukham a taisan migilote hangin ^ak
lungkimlohna in kei hong mancip hi. ^al
54 Ka giahna peuhpeuh ah
na thukipte ka zailapi ahi hi. ^am
55 TOPA aw, zanin na min ka phawk gige hi, ^an
na thukham ka zui ding hi.
56 Ka zuihzuihsa mah ahi:
Nangma thusehte ka mang hi.

ח Heth

57 TOPA aw, keima tanh nang na hi a;
na thute mang dingin ka kiciam khin hi.
58 Ka lungsim neihzahin na maitang ka zong hi; ^ao
nong ciamsa bangin kei hong hehpih siam in.
59 Ka lampite ka ngaihsun a,
na ngeinakipte lam ah kong kalsuan hi. ^ap
60 Na thupiakte hong mang dingin ka kinawh dinga,
ka ziakai kei ding hi.
61 Migilote in khau-in hong hen uh zongin
na thukham ka mangngilh kei ding hi.
62 Nangma thukham maante hangin
lungdam ko dingin zankimin ka tho hi. ^aq
63 Nang hong kihtate le ^ar
na thusehte a zuite khempeuh lawmpa ka hi hi. ^as
64 Nangma itna leitung teng a dim hi, TOPA aw; ^at
na thukipte kei hong hilh in.

ט Teth

65 TOPA aw, nangma thu tawh kizui-in
na nasempa tungah hong hoih in.
66 Na thupiakte um ka hi manin
theihna le thukhenna hoih hong hilh in. ^au
67 Ka thuaksiat ma-in lam ka pialkha zel a, ^av
ahi zongin tu-in na thu ka mang ta hi.
68 Nang na hoih a, na hoih na sem hi; ^aw
na thukipte kei hong hilh in.
69 A kisatheite in zuauthu in hong mindaisak zongin
na thusehte ka lungsim neihzahin ka zui hi. ^ax
70 Amaute lungtangte kheng a phamawhsak a neih loh uh hangin, ^ay
na thukham ah nuam ka sa hi.
71 Na thukipte ka sintheih nadingin
kei adingin haksatna thuak a hoih hi.
72 Ngun le kham mal tul tampite sangin
na kampana thukham kei adingin manphazaw hi. ^az

י Yodh

73 Na khutte in keimah hong bawlin, hong siam a; ^ba
na thupiakte sin theih nading theihtelna hong guan hi.
74 Nang thu ah lametna nei ka hih manin
nang hong kihtate in kei hong muh uh ciangin nuam sa uh hen. ^bb
75 TOPA aw, na thukhamte maana
na muanhuaina ah kei nong thuaksiatsak lam ka thei hi.
76 Na nasempa tunga na thuciamsa bangin
na itna kip keima kihehnepna hi ta hen. ^bc
77 Nangma thukham ka nopsakna ahi manin
ka nuntak nadingin na khuatuahna kei tungah hong tung ta hen.
78 A thu om lopi-a kei tung hong khial mi ki-uangsakte, a mai uh zumsak in; ^bd
ke’n ka hileh nangma thusehte ka lungngaingai ding hi.
79 Nangmah hong kihta a na ngeinakip a theitelte
kei lam hong nga uh hen.
80 Ka maizum loh nadingin na thukipte ah
ka lungsim kawkbaang kei hen.

כ Kaph

81 Na hotkhiatna ngai-in ka hinna zawm a,
ahi hangin na thu ah ka lametna ka nga hi.
82 Na thuciamna zongin ka mit ngui-a, ^be
“Cik ciangin kei hong hehnem ding na hiam?” ka ci hi.
83 Meikhu laka savun-um ka bang zongin
na thukipte ka mangngilh kei hi.
84 Na nasempa in bang tanvei kong ngak lai kul ding hiam? ^bf
Kei hong bawlsiate cik ciangin gawt ding na hi hiam? ^bg
85 Na thukham tawh kilehbulhin
a ki-uangsakte in kei adingin gumkhuk a to uh hi. ^bh
86 Na thupiakte khempeuh a muantak hi;
mite in a thu om lopi-in hong bawlsia uh ahi manin kei hong huh in.
87 Amaute in leitung panin hong siakkhia dekdek napi
na thusehte ka taisan tuan kei hi. ^bi
88 Na itna tawh kizui-in ka nuntakna hong hawi in, ^bj
tuateh na kama ngeinakipte ka mang ding hi.

ל Lamedh

89 TOPA aw, na kammal tawntung hi-a; ^bk
vante ah a kip hi.
90 Na muanhuaina khang tawntungin kizom den hi;
leitung na kipsaka a kipsuak hi. ^bl
91 Na khempeuh in nangma’ na sem ahi manin
na thukhamte tuni dongin kip den hi.
92 Na thukham ah nuamsa lo hileng ^bm
ka gimthuakna ah ka mangthang ta ding hi.
93 Na thusehte-in ka nuntakna hong hawi na hi manin
tuate ka mangngilh ngei kei ding hi.
94 Nangma aa ka hi manin hong hon in;
na thusehte ka zongkhia khin hi.
95 Kei hong siasak dingin migilote in hong ngak uh hi, ^bn
ahi hangin na ngeinakipte ka khingkhai ding hi.
96 Hoih kimna khempeuh ah ciangtanna ka mu-a;
na thupiakte ahileh mong a nei kei hi. ^bo

ם Mem

97 Na thukham it mah si’ng maw!
Sun nilohin ka lung ngaingai hi.
98 Na thupiakte in hong ompih den ahi manin
ka galte sangin hong pilzawsak hi.
99 Na ngeinakipte lung ngaingai ka hi manin
ka siate khempeuh sangin theihsiamna ka nei zaw hi.
100 Na thusehte mang ka hi manin
upate sangin theihtelna ka nei zaw hi.
101 Na thu ka man theih nadingin
asia lampi peuhmah ka peel hi.
102 Nang mahmah in hong hilh khin na hi manin ^bp
na thukhamte tawh ka kikhen kei hi. ^bq
103 Na thute khum mahmah a,
ka kamah khuaizu sangin khumzaw tham hi! ^br
104 Na thusehte panin theihtelna ka ngah a;
tua ahi ciangin lampi maan lo peuhmah ka mudah hi. ^bs

נ Nun

105 Na thu in ka khe adingin meivakhi a, ^bt
ka lampi ah khuavak ahi hi.
106 A thumaan na thukhamte a zui dingin
thu ciamin ka kipsak khin hi. ^bu
107 Ka thuak sah khin hi;
TOPA aw, na thu tawh kizui-in ka nuntakna hong hawi in.
108 TOPA aw, utna tawh ka kama kong phatna hong sang inla
na thukhamte kei hong hilh in.
109 Ka nuntakna ka khutin ka tawi niloh zongin
na thukham ka mangngilh kei ding hi.
110 Migilote in thang hong siah taleh ^bv
na thusehte panin ka pial nai kei hi.
111 Na ngeinakipte a tawntungin ka luah hi;
tuate ka lungsim nopna ahi hi.
112 Na thukipte atawp dong a zui dingin
ka lungsim ka khentat hi. ^bw

ס Samekh

113 Lungka mite ka mudah a,
ahi hangin na thukham ka it hi. ^bx
114 Nang ka bukna le ka lum na hi-a; ^by
na thu ah ka lametna ka nga hi.
115 Ka Pasian thupiakte ka zuih theih nadingin
no a gilo-a gamtate paikhiamang un! ^bz
116 Na thuciam tawh kituakin kei hong khuangkhoh in; tua hileh ka nungta ding hi;
ka lametnate zahlaksak kei in. ^ca
117 Kei nong letkip leh hong kihukhia dinga; ^cb
nangma thukipte ka thusim tawntung ding hi.
118 Na thukipte pana pialte’ zuauphuahna
a mawkna ahi manin amaute khempeuh na nial hi.
119 Leitunga migilote khempeuh sik-ek bangin na paikhia a;
tua ahi ciangin na ngeinakipte ka it hi.
120 Nang hong kihta-in ka sa ling a; ^cc
na thukhamte ka kihta hi.

ע Ayin

121 Thumaan le thutangin ka sem khin hi;
hong nengniampa tungah kei hong nusia kei in. ^cd
122 Na nasempa hoih nadingin hong ciansak inla; ^ce
a ki-uangsakte hong nuainetsak kei in. ^cf
123 Na hotkhiatna le amaan na thuciamna zongin
ka mitte ngui hi.
124 Na itna tawh kituakin na nasempa tungah hong hih inla,
na thukipte kei hong hilh in.
125 Nangma nasem ka hi hi; ^cg
na ngeinakipte ka theihtel theih nadingin khentel theihna hong guan in.
126 TOPA aw, nang sepkhiat hun hi ta hi;
na thukham kipalsatsat hi.
127 Kham le khamcitak sangin
na thupiakte ka it zawk man le ^ch
128 na thusehte khempeuh maan hi,
ci-a ka ngaihsut manin lampi maan lo peuhmah ka mudah hi.

פ Pe

129 Na ngeinakipte lamdang hi;
tua ahi manin tuate ka mang hi.
130 Na thute lahkhiatna in khua vaksak a;
mimawlte a theitelsak hi. ^ci
131 Na thupiakte thei nuam lua-in
kamka-in ka tungnak hi. ^cj
132 Na min a itte tungah na hih sasa bangin
kei lam hong nga inla kei hong lainat in. ^ck
133 Na thu tawh kizui-in ka kalsuanna hong pi inla;
mawhna khat beek kei hong uksak kei in.
134 Na thusehte ka man theih nadingin
mite netniamna panin hong tankhia in.
135 Na nasempa tungah na maitang hong taan inla, ^cl
na thukipte hong hilh in.
136 Na thukham a kiman’ loh manin
ka mitte ah khitui hawk luang bang hi. ^cm

צ Tsadhe

137 TOPA aw, nangmah na thumaan a
na thukhamte a maan hi.
138 Na koihsa ngeinakipte maana
a vekpi in muantak hi.
139 Ka galte in na kammalte thusim lo uh ahi manin
ka aamluatna in kei hong patgawpsak hi. ^cn
140 Na thuciamnate sittel sinsensa hi-a,
tua hangin na nasempa in tuate a it hi.
141 Kei niam mahmah in hong kisimmawh zongin
na thusehte ka mangngilh kei hi. ^co
142 Na thumaanna a tawntung hi-a,
na thukham amaan ahi hi.
143 Ka tungah lungkhamna le lungdonna hong tung ta leh
na thupiakte ka nopsakna ahi hi.
144 Na ngeinakipte maan tawntung hi;
ka nuntak theihna ding hong theitelsak in.

ק Qoph

145 Ka lungsim khempeuhin kong sam hi; hong dawng in TOPA aw;
na thukipte ka mang ding hi.
146 Nangmah kong sam hi;
kei hong honkhia in na ngeinakipte ka zui ding hi.
147 Khuavak ma-in ka tho a, huhna ngenin kong kiko hi; ^cp
na thu ah ka lametna ka nga hi.
148 Na thuciamte ka lungngaihngaih nadingin,
zan vilte sung ka mit a hakhak hi.
149 Na itna tawh kituakin ka aw za inla; ^cq
TOPA aw, na thukhamte tawh kizui-in ka nuntakna hong hawi in.
150 Gitloh sawm mite hong nai uh a,
ahi hangin na thukham tawh a kigamla uh hi.
151 Tua hi napi, TOPA aw, nang nong nai a,
na thupiakte khempeuh thumaan hi.
152 Tuate a tawntunga na kipsaksa ahilam
na ngeinakipte panin sawt pekin ka sin khin hi. ^cr

ר Resh

153 Na thukham mangngilh nai lo ka hi manin ^cs
ka thuakna hong en inla kei hong hukhia in. ^ct
154 Ka thu hong panpih inla kei hong tankhia in;
na thuciam tawh kizui-in ka nuntakna hong hawi in.
155 Migilote in na thukipte zongkhia lo uh ahi manin
amaute le hotkhiatna kigamla hi.
156 TOPA aw, na khuatuahna lian mahmah hi; ^cu
na thukhamte tawh kituakin ka nuntakna hong hawi in.
157 Hong bawlsia ka galte tampi hi-a, ^cv
ahi hangin na ngeinakipte ka kiheisan kei hi. ^cw
158 A muanhuai lo mite in na thu mang lo uh ahi manin
amaute enin ka kih hi. ^cx
159 Na thusehte ka itzia mu inla;
TOPA aw, na itna tawh kituakin ka nuntakna hong hawisak in.
160 Na kammal khempeuh thumaan hi-a;
amaan na thukhamte khempeuh a kimang den ding ahi hi.

ש Sin le Shin

161 Gam-ukte in a thu om loin hong bawlsia uh a, ^cy
ahi hangin na thu ah ka lungsim a ling hi.
162 Van kinusia tampi a mupa bangin
na thuciam ah ka lung nuam hi. ^cz
163 Zuautatna mudahin ka kih a
ahi hangin na thukham ka it hi.
164 Amaan na thukhamte hangin
ni khatin sagih vei nangmah kong phat hi.
165 Na thukham a itte in lungmuanna lianpi nei uh a, ^da
bangmah in amaute a muktusak kei hi. ^db
166 TOPA aw, na hotkhiatna ka ngak a,
na thupiakte ka zui hi.
167 Na ngeinakipte it lua ka hi manin
tuate ka mang hi.
168 Ka lampi khempeuh thei khin na hi manin ^dc
na thusehte le na ngeinakipte thu ka mang hi.

ת Taw

169 TOPA aw, ka kikona na mai hong tung hen; ^dd
na thu tawh kizui-in theihtelna hong guan in.
170 Kong ngetnopna na mai-ah hong tung hen; ^de
na thuciam bangin kei hong hukhia in. ^df
171 Na thukipte nong hilh manin ^dg
ka muk pan phatna luanglet hen. ^dh
172 Na thupiakte khempeuh thumaan ahi manin ^di
ka leii in na thu la-in sa hen.
173 Na thusehte ka teel khit manin ^dj
kei hong huh dingin na khut kigingsa in om hen. ^dk
174 TOPA aw, na hotkhiatna ka ngai-a,
na thukham ah nuam ka sa hi.
175 Nang hong phat thei dingin hong nungtasak inla
na thukhamte in kei hong khuangkhoh sak in.
176 Tuu mang bangin lam ka khial khin hi. ^dl
Na thupiakte mangngilh lo ka hi manin, ^dm
na nasempa hong zong in.