Psa 136 | ZomZIV | STEP | TOPA hoih ahi manin ama tungah lungdam ko un. Ama itna kip tawntung hi.

‏ Psalms 136

1 TOPA hoih ahi manin ama tungah lungdam ko un. ^a

Ama itna kip tawntung hi.
2 Pasiante’ Pasian tungah lungdam ko un. ^b

Ama itna kip tawntung hi.
3 Topate’ Topa tungah lungdam ko un:

Ama itna kip tawntung hi.
4 Nalamdang lianpite a bawl amah bek hi, ^c

Ama itna kip tawntung hi.
5 ama theihtelna tawh vante a bawlpa,

Ama itna kip tawntung hi.
6 tuite tunga leitung a zalhpa, ^d

Ama itna kip tawntung hi.
7 khuavak lianpite a bawlpa -

Ama itna kip tawntung hi.
8 sunhun nipi a uksakpa,

Ama itna kip tawntung hi.
9 zanhun khapi le aksite a uksakpa;

Ama itna kip tawntung hi.
10 Egypt ta masa a sat tukpa, ^e

Ama itna kip tawntung hi.
11 amaute lak panin Israel a paikhiatpihpa, ^f

Ama itna kip tawntung hi.
12 a thahat khut le a ban zanpa; ^g

Ama itna kip tawntung hi.
13 San Tuipi ^{▼▼ 13 Hebrew ah Yam Suph; tua in Pumpeng Tuipi; tg.15 ah zong.} khenkhamin a nensuah pa, ⁱ

Ama itna kip tawntung hi.
14 a laizang ah Israel a kantansakpa, ^j

Ama itna kip tawntung hi.
15 ahi hangin Pharaoh le a galkapte San Tuipi sungah a maimangsakpa;

Ama itna kip tawntung hi.
16 ama mite sehnel-gam kantanin a pipa, ^k

Ama itna kip tawntung hi.
17 kumpi liante a sattukpa, ^l

Ama itna kip tawntung hi.
18 a thahat kumpite a thatpa -

Ama itna kip tawntung hi.
19 Amor-te kumpipa Sihon a thatpa

Ama itna kip tawntung hi.
20 Boshan kumpipa Og a thatpa -

Ama itna kip tawntung hi.
21 amaute gam a goutanh dingun a piapa, ^m

Ama itna kip tawntung hi.
22 ama nasem Israel tungah goutanh khat ding a piapa; ⁿ

Ama itna kip tawntung hi.
23 eite niamna hong phawk gige Pa,

Ama itna kip tawntung hi.
24 I galte pan hong suaktasakpa, ^o

Ama itna kip tawntung hi.
25 a nungta peuhmah an a piapa amah ahi hi. ^p

Ama itna kip tawntung hi.
26 Vantunga om Pasian tungah lungdam ko un. ^q

Ama itna kip tawntung hi.