Psa 40 | ZomZIV | STEP | Tumtheih makaipa ading. David phuah. phatna-la khat. Lungduaitakin TOPA ka ngak a; kei lam hong nga-in ka kikona a za hi.

‏ Psalms 40

Tumtheih makaipa ading. David phuah. phatna-la khat.

1 Lungduaitakin TOPA ka ngak a; ^a
kei lam hong nga-in ka kikona a za hi. ^b
2 Amah in buanciim omna gum,
buannawi le kawt lak panin kei hong phong to a; ^c
suangpi tungah ka khe koih in
munkip ah kei hong dingsak hi. ^d
3 Ka kam ah lathak khat hong guan a, ^e
eite’ Pasian phatna biakna-la khat ahi hi. ^f
Tampi in mu in lau ding uh a
TOPA a muang ding uh hi. ^g
4 Ama muanna TOPA hisak a, ^h
mi kiphasakte en loin ⁱ
pasian-manlote ^{▼▼ 4 Ahikeh khialhna} a nungngatsan ^k
mi thupha ngah ahi hi.
5 Keima Pasian TOPA aw,
na bawlsa nalamdang tampi om hi. ^l
Ko adingin na geelsa nate,
kuamah in simkik zo lo a;
tuate gen ding sut dingin sawm ta leng
genkhiat zawh lohin tam lua mahmah hi. ^m
6 Biakna le piakna na lunggulh kei a, ⁿ
ahi hangin ka bilte na vutlet khin hi; ^{▼▼ 6 Hebrew; Septuagint ah ahi hangin kei ading pumpi khat na bawl khin hi. (Symmachus le Theodoltion zong en in)
,}, ^{▼▼ 6 Ahikeh hong
,} ^q
meihal biakna le mawhna hanga biakna
na kal kei hi.
7 Tuateh, “Kong paikhin a, hiah ka om hi -
ka thu laizial sungah a kigelh khin hi. ^{▼▼ 7 Ahikeh hong pai / kei adinga kigelh laizial tawh
,} ^s
8 Nangma deihna ka sem nuam hi, ka Pasian aw; ^t
nangma thukham ka lung sungah a om hi,” ka ci hi. ^u
9 Mihon tampi lakah thumaanna ka tangko a;
nang theih bangin ka mukte ka khakcip kei hi,
TOPA aw.
10 Na thumaanna ka lungsim ah selcip loin,
na muanhuaina le na hotkhiatna ka genkhia hi. ^v
Kikhawm mi tampi tungah
na itna le na thutak ka imcip kei hi.
11 TOPA aw, nangma lainatna kei tungah khakcip kei inla ^w
na itna le na thutak in kei hong dal tawntung hen.
12 Ahang in sim zawh loh lungkhamna in kei hong umcih in; ^x
ka mawhnate in kei hong phadong a, khua ka mu thei kei hi. ^y
Tuate ka luzanga ka samzang sangin tamzaw a, ^z
ka sungah ka lunglel hi. ^aa
13 Kei nong hotkhiat ding lungkim in, TOPA aw;
TOPA aw, kei hong huh dingin hong pai meng in. ^ab
14 Ka nuntakna hong laksak nuamte khempeuh ^ac
maizumin buaigawp uh hen; ^ad
kei siat ding a deih khempeuh
maimawlsa in lehkik uh hen.
15 Kei tungah, “Awi bek si’ng, awi bek si’ng” a cite in ^ae
amau maizumna mah mulkimpih uh hen.
16 Ahi hangin nang hong zongte
nang sungah nuamsa-in kipak uh henla;
na hotkhiatna a itte khempeuh in,
“TOPA kitawisang hen!” ci den uh hen.
17 Tua hinapi zawngin ka tasam hi;
Topa in hong phawk hen.
Kei hong huh a hong hukhiapa nang na hi hi; ^af
hong ziakai kei in, ka Pasian aw.