Psa 51 | ZomZIV | STEP | Tumtheih makaipa ading. David phatna-la khat. David in Bathsheba ang a kawm khit ciangin ama kiangah kamsangpa Nathan a va pai lai a. Pasian aw, a vul thei lo na itna tawh kizui-in kei hong lainat in, na khuatuahna lian tawh kizui-in ka khialhnate hong paihkhiatsak in.

1 Pasian aw, a vul thei lo na itna tawh kizui-in kei hong lainat in, ^a
na khuatuahna lian tawh kizui-in ^b
ka khialhnate hong paihkhiatsak in.
2 Ka khialhna khempeuh silkhia inla,
ka mawhna hong sawpsiang in. ^c
3 Ahang in, ka tatkhialhnate ka thei-a,
ka mai ah ka mawhna a om den hi. ^d
4 Thu na gen ciangin a thumaan na hilam a kitheih nading,
thu na khen cianga dik hong tangsak dingin; ^e
nang tung, nang tektek tungah ka mawh a, ^f
na muhna ah siatna ka hih khin hi. ^g
5 Mawh neisa-a suak ka hi takpi a,
ka nu in mawh neisa-a hong paii a hi hi.
6 Nang in sunglam a thutak ^{▼▼ 6 Hih gual Hebrew ah a khiatna kician taktak lo hi} na deih takpi a,
a sungtawngpen mun ah pilna nong hilh ^{▼▼ 6 Ahikeh nangma deihna...; / na ngaihsutna} hi. ^j
7 Puknah in hong siangsak lecin ka siang dinga; ^k
kei hong sawp lecin vuk sangin ka pakzaw ding hi. ^l
8 Lungnopna le kipahna hong zasak in; ^m
na sukzansa guhte nuamsak in. ⁿ
9 Ka mawhnate buksan inla
ka khialhna khempeuh phiatkhia in.
10 Pasian aw, ka sungah lungsim siang hong piangsak inla ^o
akip ka lungsim thak suaksak in. ^p
11 Na omna panin kei hong paikhia kei inla ^q
kei tung pan na Khasiangtho hong lakkhia kei in. ^r
12 Na hotkhiatna lungnopna hong pia kik inla ^s
a thumang nuam lungsim hong guanin hong dingkipsak in.
13 Tua ciangin a khialte tungah na lampite ka hilh dinga,
mawhneite nang lamah hong kihei kik ding uh hi. ^t
14 Kei hong honkhiapa Pasian, sisan suah mawhna panin ^u
kei hong honkhia in Pasian aw,
tuateh ka leii in nangma thumaanna la a sa ding hi. ^v
15 Topa aw, ka muk kak in, tua hileh ka kam in ^w
nangmah phatna a pulak ding hi.
16 Biakpiakna hangin na lungkim kei hi, lungkim lecin kong puak ding hi; ^x
meihal biaknate zong nuam na sa tuan kei hi.
17 Pasian biaknate ^{▼▼ 17 Ahikeh Pasian aw,}
ka biakpiakna in ahileh a tamkham lungsim ahi hi; ^z
Pasian aw, a kitamkham lungtang kisikna na nolh kei ding hi. ^aa
18 Nangma hoihsakzia-in Zion daupaisak inla; ^ab
Jerusalem kulhte lam in. ^ac
19 Tua hileh thumaanin biakna kipia dinga, ^ad
meihal biakna buppite in nang hong lungkimsak in; ^ae
tua ciangin na biakna-tau tungah bawngtalte hong kipia ding hi. ^af