Psalms 62
Tumtheih makaipa ading. Jeduthun ading David phatna-la khat.
1 Ka hinna in Pasian tung bek ah khawlna mu a; akeima hotkhiatna ama tung pan ahi hi. 2Keima suangpi le ka kihotkhiatna amah bek hi a; b
keima kulhpi amah ahi hi, hong kiling zo kei ding hi. c
3 Mi khat bang tanvei sim lai ding na hi hiam?
Hih kulh awnsa le dai kipuk dek - d
note khempeuh in sawnpuk ding na hi uh hiam?
4 Amaute in amau munsang panin
kiatsak ding bek sawm uh a;
zuauphuah nuam a sa uh hi.
A kamun thupha pia napi a lungsimun
a hamsiat uh hi. e
5 Ka hinna aw, Pasian bek ah khawlna mu in;
keima lametna amah pan ahi hi.
6 Keima suangpi le ka kihotkhiatna amah bek hi a;
keima kulhpi amah ahi hi; hong kiling zo kei ding hi.
7 Ka hotkhiatna le ka pahtawina Pasiana ▼
▼ 7 Ahikeh / A Sang Pen Pasian in ka hotkhiatna le ka pahtawina
ah om a;amah ka thahatna suangpi le ka belhna ahi hi. g
8 Mite aw, hunte khempeuh ah amah muang un; h
Eite belhna Pasian ahi manin
na lungsimte uh ama tungah sung un. i j
9 A dinmun niam mite husan khat bek hi a, k
dinmun sangte lah zuaupi hi lel hi;
tehna-in kiteh leh amaute bangmah hi lo uh a; l
amaute husan khat bek hikhawm uh hi.
10 Zawhthawh thu-a suh muang kei unla,
guksa van ah zong kisathei kei un; m
na hauhna uh a khang zongin
tuate lungmuanpih kei un. n
11 Pasian in na khat gen a, na nih ka za hi:
Pasian aw, tua in nang hatna hi-a,
12 Topa aw, tua in nang itna ahi hi. o
Mi peuhmah ama sepsa tawh kizui- in p
pahtakman na pia taktak ding hi.
Copyright information for
ZomZIV