Psa 68 | ZomZIV | STEP | Tumtheih makaipa ading. David phuah. Phatna-la khat. La khat. Pasian tho henla, ama galte kithehthang hen; ama mai-ah a galte taikek uh hen.

1 Pasian tho henla, ama galte kithehthang hen;
ama mai-ah a galte taikek uh hen. ^a
2 Huih in meikhu a mutmang bangin ^b
amaute mutmang in;
mei mai-ah khuainun a tui bangin,
Pasian mai-ah migilote mangthang uh hen. ^c
3 Ahi hangin Pasian mai-ah a thumaante
nuamin kipak uh hen;
amaute lungdamin nuam uh hen. ^d
4 Pasian la sak unla ama minphatna la sa un; ^e
meii tunga ^{▼▼ 4 Ahikeh / sehnel-gam kantan a tuang pa adingin lampi sial un.} tuangpa tawisang un - ^g
ama min TOPA ahi hi -
ama mai-ah kipak un. ^h
5 Amah a tenna siangtho-a om,
pa nei lote adingin pa, meigongte hupa Pasian ahi hi.
6 Pasian in a tangsamte innkuan ^{▼▼ 6 Ahikeh gamdaihna munah mi teng sak a} guan a, ^j
thongkiate lasa kawmin a pusuaksak hi; ^k
ahi hangin a lehdote nisa katkeuna gamah a tengsak hi. ^l
7 Pasian aw, na mite’ mai ah na paikhiat ciang,
gam simtham nawka na paikhiat ciangin ^m
8 lei ling a, ⁿ
vante in Pasian, Sinai-a Pa mai,
Pasian, Israel Pasian mai-ah ^o
guahtui a buak uh hi. ^p
9 Pasian aw, nang guahtui kicingtakin nong pia a, ^q
na gouluah a vulsa na nosuaksak hi.
10 Na mite tua lai-ah teng uh a
Pasian aw, na kicinna panin mizawngte na sik hi. ^r
11 Topa in thu phuang khia-in,
a tangko mihon tam mahmah a; ^s
12 “Kumpite le galkapte nawhsa-in taikek uh a; ^t
giahphualah mite in van nusiat hawm uh hi. ^u
13 Giahbuk-meiphual ^{▼▼ 13 Ahikeh sakol vanpuakna} lakah na lup lai nangawnun ^w
ka vakhu khate nguna luan le amul atee
khama luan bang na hi uh hi.”
14 Thahatpenpa ^{▼▼ 14 Hebrew ah Shaddai} in gam sungah kumpite a thehzak lai-in ^y
Zalmon tunga vuk kia tawh kibang hi. ^z
15 Bashan mualte mualdung thupi vive hi-a;
Bashan mualte mual kuipipi ahi hi.
16 Mualkuipite aw, bang hangin
Pasian in a ukna mun dinga a teel, ^aa
TOPA mahmah a ten tawntung nading mun engin en na hi uh hiam? ^ab
17 Pasian sakolleng tulsawm tampite le ^ac
tul mun tul tampite hi-a; ^ad
Sinai panin a mun siangtho sungah Topa hong pai khin hi.
18 A sangna mun ah na kahtoh lai-in
na matte na tonpih diudeu a; ^ae
mite tung pan letsong ngah in, ^af
a lehdote pan ^{▼▼ 18 Ahikeh mite ading letsong, /nangawn} nangawnin na ngah hi -
tua in TOPA Pasian aw, tua lai-ah na ^{▼▼ 18 Ahikeh amaute} ten theih nading ahi hi.
19 Nisimin i vangikte hong puaksak
eite’ Honpa Pasian, Topa kiphat ta hen. ^ai ^aj
20 Eite’ Pasian, a honkhia Pasian hi a,
Thuneipipen TOPA panin sihna pana suahtakna hong tung ahi hi. ^ak
21 Pasian in a galte lutangte,
mawhna-a zongsangte’ sampha neunau lukhute, a suzan taktak ding hi.
22 Topa in, “Bashan panin amaute ka la dinga;
tuipi thukte panin amaute ka lakhia ding hi, ^al
23 tua in note in na galte uh sisan sung ah na khe uh diahin ^am
na uite un liah ding a neih theih nading ahi hi,” a ci hi.
24 Pasian aw, ahona na pai kimu a,
ka Pasian le ka Kumpi mun siangtho sungah ahona na pai kimu ta hi. ^an
25 Lasate masa uh a, tumtheih tumte in zui-in;
amaute tawh nungakte in khuangtate a tum uh hi.
26 Mipi tampi kikhopna ah Pasian phat unla; ^ao
Israel mihonte kikhopna ah TOPA phat un. ^ap
27 Tua lai-ah Benjamin namneu in amaute makaih a,
tua lai-ah Judah ulian honpi le
Zebulun le Naphtali kumpitapate a om uh hi. ^aq
28 Pasian aw, na vangliatna suah inla ^{▼▼ 28 Hebrew khutgelh tampite, Septuagint le Syriac; Hebrew khutgelh khempeuh ah Na Pasain in nang adingin vangliatna hong sapsak zo hi}; ^as
na hihsa bangin na thahatna hong lak in Pasian aw. ^at
29 Jerusalem a na biakinnpi hangin
kumpite in nang letsong hong puak ding uh hi.
30 Pumpeng laka gamsate le ^au
minamte’ bawngnote laka bawngtal honte taihilh in.
Niamkhiat inla ngun tawnte hong puak uh hen.
Gal kido nuam a sa minamte thehthang in. ^av
31 Egypt-te panin palaite hong pai ding uh a; ^aw
Cush ^{▼▼ 31 Tua in Nile kuam khunglam} amah le amah Pasian tungah ki-ap ding hi. ^ay
32 Leitung kumpi-gamte aw, Pasian la sak un, ^az
Topa phatin la sa un; ^ba
33 tanglai huihkhuate tunga tuangpa ^bb
aw lianpi a gingkhia sakpa phat un. ^bc
34 Pasian vangliatna tangko un,
Israel-te tungah amah thupi a, ^bd
huihkhuate tungah ama vangliatna a om hi.
35 Pasian aw, na munsiangtho ah nang na lipkhaphuai a; ^be
Israel Pasian in a mite vangliatna le thahatna a pia hi. ^bf
Pasian kiphat hen! ^bg