Revelation of John 9
1Vansawltak a ngana in a pengkul mut-a, van pan leitung ah a kia aksi khat ka mu hi. Tua aksi Kawhawmpi vang honna tawhtang kipia hi. 2Amah in Kawhawmpi a hon ciangin tua sung panin pummei phualpi khu bangin meikhu a suakkhia hi. Tua Kawhawmpi pana meikhu in ni le van a mialsak hi. 3Tua ciangin meikhu lak panin kauphete leitung ah tuaksuk uh a, leitunga aikam vangliatna bang vangliatna amaute kipia hi. 4Tuate tungah, leitunga lopate, ankung khatpeuh ahikeh singkung susia loin, a taltang tunga Pasian ciamtehna a nei lote bek a suksiat dingun kihilh hi. 5Amaute in a thah nading uh vangliatna kipia lo-a, ahi hangin kha nga sung gawt thei bek ding uh hi. Tua a thuak uh gimna in, aikam in mi a deh cianga a nat bang ahi hi. 6Tua hun laitakin mite in sihna zong ding uh a, ahi hangin a mu kei ding uh hi; amaute a si nuam ding uh a, ahi hangin sihna in amaute a pel ding hi. a 7 Tua kauphete, galsim dinga kithawi sa sakolte tawh kibang hi. Amaute lutungah kham kumpi lukhu tawh kibang khu uh a, a maitang un mihing maitang a sun hi. 8A sam uh numeite sam banga, a hate uh humpinelkai ha a bang hi. 9Sik awmdal bang awmdal nei uh a, a kha ging uh, galsimna-a sakolleng tampi tai henhan ging a bang hi. 10Mei nei uh a, aikam bangin a deh uh hi. A mei-uah mite kha nga sung a thuaksiatsak theih nading uh vangliatna a nei uh hi. 11Amaute in Kawhawmpi vansawltak, kumpi-in a nei uh hi. Ama min Hebrew pau in Abaddon hi a, Greek pau in Apollyon ▼▼9.11 Abaddon le Aplion in Siasakpa cihna
ahi hi. c 12 A masa pen gimna bei zo a, gimna adang nih tung lai ding hi. 13 Vansawltak a gukna in a pengkul mut a, Pasian mai-a kham biakna-tau kite ▼▼9.13 Tua pen a dawkkhiate
panin awging khat ka za hi. 14Tua in pengkul tawi vansawltak a gukna kiang ah, “Euphrates gunpi-a kihen vansawltak lite khahkhia un,” a ci hi. 15Hih nai, hih ni, hih kha, hih kum lian adingin a kigingsa-a kikoih tua vansawltak lite, leitung mi seh thum suah seh khat a that dingin kikhahkhia hi. 16Sakol tungtuang galkapte awn zanih a pha hi. Amaute a phazah ka za hi. e 17 Ka mangmuhna-a ka muh sakolte le a tuangte hih bang ahi hi: A awmdalte uh meikuang bangin a san, a ciipdum le kaat banga eng tawh ahi hi. Sakolte lutangte humpinelkai lutang tawh kibang a, a kam panun mei, meikhu le kaat a suakkhia hi. 18Amaute kam pana suak khia mei, meikhu le kaat gimna nam thumte in, mihingte seh thum suah seh khat a thatlum hi. 19Tua sakolte a kam sung uh le a mei uhah vangliatna a om hi; a meite uh gul bang, lutang nei-in tua tawh mi a liamsuah uh hi. f 20 Hih pulpite in a thah baang a om lai leitung mite, a khut uh tawh a sep uh nate panin a kisik nai kei uh hi; amaute in dawite, kham, ngun, sumngo, sing le suang milimte - khua mu thei lo, khua za thei lo, lam pai thei lo milimte a biak uh a tawp tuan kei uh hi. 21Amaute in tualthahnate, aisannate, numei-pasal paktatnate le a guktaknate uh zong a kisik tuan beek kei uh hi. g
Copyright information for
ZomZIV