Zec 9 | ZomZIV | STEP | Hadrach gam langah TOPA langpanna thu tunga, Damascus tungah a tu ding hi - ahang in, mite le Israel behte khempeuh in TOPA mitsuan uh a -

‏ Zechariah 9

Israel Galte Tungah Thukhenna

Thusuak khat

1 Hadrach gam langah TOPA langpanna thu tunga,
Damascus tungah a tu ding hi - ^a
ahang in, mite le Israel behte khempeuh in
TOPA ^{▼▼9.1 Ahikeh Damascus / A mihing khempeuh TOPA} mitsuan uh a -
2 gamgi kizawng Hamath le ^c
a siam mahmah uh zongin Tyre le Sidon tungah zong a tu ding hi. ^d
3 Tyre in ama mun muanhuai ding bawl khin hi;
amah in leivui bangin ngun khawm venvan a,
kongzing nin zahin kham a nei hi. ^e
4 Ahi hangin Topa in a neihsate lakmangsakin
tuipi tunga a vangliatna susia dinga, ^f
tua ciangin amah mei-in a kihaltum ding hi. ^g
5 Ashkelon in tua mu-in lau ding hi;
Gaza nasa lua-in kawigawp dinga,
a lametna bei ding ahi manin, Ekron in zong a kawigawp lawh ding hi.
Gaza in a kumpipa taan dinga,
Ashkelon a kinusiacip ding hi.
6 Gamdang mite in Ashdod la ding uh a,
Philistia-te kiphatsakna ka beisak ding hi. ^h
7 Amaute kam panin sisan ka lakhia dinga,
amaute hakawm panin a kikham ante ka lakhia ding hi.
A kinusia laite i Pasian aa hi dinga ⁱ
Judah-te tungah makaite suakin,
Ekron ahileh Jebus mite abang ding uh hi. ^j
8 Ahi hangin ka innkuante
galguk hatte panin ka hu ding hi.
Tu-in ka mite vil den ka hi manin
mi nengniamte in a nuaisiah zo ngei nawn kei ding uh hi. ^k

Zion Kumpipa Tungta

9 Zion Tanu aw, nuam mahmah in! ^l
Jerusalem Tanu aw, kiko in! ^m
En in, na kumpipa ^{▼▼9.9 Ahikeh Kumpipa} na kiangah ^o
thumaanna le hotkhiatna kengin ^p
migi-in laa tungah, ^q
sin nai loh, laapi ta laano tungah hong tuang hi. ^r
10 Ephraim panin a sakollengte uh leh,
Jerusalem panin a galsimna sakolte uh ka lakkhiatsak dinga,
a galsimna thalpeute uh ka kuaitan ding hi. ^s
Amah in minamte tungah kilemna a tangko ding hi. ^t
Ama ukna tuipi khat pan tuipi khat,
Gunpi ^{▼▼9.10 Tua in Euphrates} panin leimong ^{▼▼9.10 Ahikeh gam mong dong} dong a zai ding hi.
11 Nang ading ahileh nang tawh ka thukhunna sisan hangin ^w
na thongkia mite tui omlohna dum thukpi panin ka khahkhia ding hi.
12 Lametna kiate aw, na kulh muanhuai uh zuan kik un;
tu nangawnin a zahnih a nang kong piak ding ka genkhia hi. ^x
13 Ka thalpeu ka kek bangin Judah ka kek dinga, ^y
Ephraim tawh ka bulh ding hi.
Greece aw, na tapate langkhat ah, ^z
Zion aw, na tapate ka thosak dinga,
nang galhangte namsau kong bangsak ding hi. ^aa

TOPA Kilang Ding

14 Tua ciangin amaute tungah TOPA a kilang ding hi; ^ab
a thaltangte khuaphelep bangin tee zalzal ding hi. ^ac
Thupipen TOPA in pengkul a mut ding hi; ^ad
amah leitaw-lam huihpi lakah kuan dinga,
15 Thahatpen TOPA in amaute a dal ding hi. ^ae
Amaute in suang sailungtang tawh
susia-in a zo ding uh hi. ^af
Amaute in dawn ding uh a zukham bangin hawkin, ^ag
biakna-tau kiute-a sisan thehna ^{▼▼9.15 Ahikeh kuang-uk / tawh kibang Ahikeh amaute a vekpi un} a kizang
kuang-uk khat bangin a dim ding uh hi.
16 Tua ni ciangin TOPA amaute
Pasian in ama ganhon ahi a mite a honkhia ding hi. ^ai
Amaute, kumpi lukhu-a suangmanpha bangin
ama gam sungah a tee diamdiam ding uh hi. ^aj
17 Amaute melhoihin iplah huai si uncia!
Anlim in tangvalnote khanphasakin,
zuthak in numeinote a khanphasak hi.