1 Chronicles 13
Singkuangpi Puak Kik
1David in ama uliante a tultul le a zaza a ukte thu a kikuppih ciat hi. 2Tua ciangin a kikhawm Israel mi buppi tungah “Note in hoih nasak uh-a TOPA eite Pasian deihna ahileh, Israel gamhuam sunga om lai i sanggamte le amau khuapite le a lonona munte uh-a a ompih uh siampite le Levi-te tawh hong pai-a eite hong pawl nadingun a gamlapi-a omte tungah thu i puak ding hi. 3Saul in hong uk sung teng bangmah ▼▼13.3 Ahikeh eite in i thusim loh
i dot loh tua ▼▼13.3 Ahikeh amah
i Pasian singkuangpi ei kiangah i pua kik ding hi,” a ci hi. 4Mi khempeuh adingin hoih leh kilawm ahi manin mihon buppi in tuaci hih ding a thukim uh hi. c 5 Tua ciangin David in Egypt a Shihor Gunpi panin Lebo ▼▼13.5 Ahikeh a lutna dongah
Hamath dong Kiriath Jearim pana Pasian singkuangpi pua dingin Israel-te khempeuh a kikhawmsak hi. 6David le amah tawh a omkhawm Israel-te khempeuh Judah a Baalah (Kiriath Jearim) ah a Min singkuangpi a kiminvawh - cherub-te kikal kumpi tokhom a tu - TOPA Pasian singkuangpi, puato dingin a kuan uh hi. e 7 Uzzah le Ahio makai-in, amaute in Abinadab inn pan leng thak khat tungah Pasian singkuangpi a puato uh hi. 8David le Israel-te khempeuh in Pasian mai-ah late, harp-te, lyre-te, khuangtate, daltuahte le pengkulte tawh a thaneih zah un a lawm uh hi. f 9 Amaute Kidon ancilna phual a tun uh ciangin bawngtalte kimuktu ahi manin singkuangpi len dingin Uzzah in a khutin a zam hi. 10Uzzah in a khutin singkuangpi lawngkha ahi manin TOPA hehna kuanga amah a vatpuk hi. Tua ciangin amah Pasian mai tua lai-ah a si hi. 11 Tua ciangin Uzzah tungah TOPA thangpaihna puakkham ahi manin David heh a, tuni dong tua mun Perez Uzzah ▼▼13.11 Perez Uzzah in Uzzah hanga puakkham cihna
kici hi. 12 Tua ni-in David in Pasian kihta a, “Bangci bangin Pasian singkuangpi kei kiang tun thei ding ka hi hiam?” ci-in a dong hi. 13Amah in ama ompih dingin David Khuapi ah a la kei hi. Tua tangin amah in Git-te Obed-Edom inn ah a koihkhia hi. 14Kha thum sung Obed-Edom innkuan tawh Pasian singkuangpi omkhawm a, TOPA in ama innkuan sung le a neih khempeuh thupha a pia hi.
Copyright information for
ZomZIV