2Ch 20:31-21:1 | ZomZIV | STEP | Tuaci-in Jehoshaphat in Judah a uk hi. Amah Judah kumpi a suahin kum sawmthum le nga pha a, Jerusalem ah kum sawmnih le nga a uk hi. A nu min Azubah hi a, Shilhi tanu ahi hi.

2 Chronicles 20:31-37

Jehoshaphat Ukna Bei

31 Tuaci-in Jehoshaphat in Judah a uk hi. Amah Judah kumpi a suahin kum sawmthum le nga pha a, Jerusalem ah kum sawmnih le nga a uk hi. A nu min Azubah hi a, Shilhi tanu ahi hi. 32 Amah in a pa Asa lampi zui-a, tuate panin a pial kei hi; TOPA mitah a maanin gamta hi. 33 Ahi zongin munsangte kiphiat khia lo a, mite in a pate uh Pasian tungah a lungsim uh a nga nai kei lai uh hi.

34 Jehoshaphat in a uk sunga a septe a kipatna pan a tawpna dong Hanani tapa Jehu khang-thute ciamtehna ah kigelh a, Israel kumpite ciamtehna laibu ah a om hi. ^a

35 Tua nung ciangin Judah kumpipa Jehoshaphat in gitlohna a gamta Israel kumpipa Ahaziah tawh kipawlna khat a bawl hi. 36 Amah tawh sumbawlna tembawpi ^{▼▼20.36 Hebrew ah Tarshish a pai thei tembawpite} hon khat bawl ding a kithukim uh hi. Ezion Geber ah hihte a bawl khit nungun, 37 Mareshah a Dodavahu tapa Eliezer in Jehoshaphat tunga tung ding thu gen a, Ahaziah tawh kipawlna na bawl hangin TOPA in na bawlsa a susia ding hi,” a ci hi. Tembawpite kisia-a, sumbawlin khual a zin thei kei uh hi. ^{▼▼20.37 Hebrew ah Tarshish zuana pai}

2 Chronicles 21:1

1 Tua ciangin Jehoshaphat a pate tawh tawlnga a, David Khuapi sungah amaute tawh a kivui hi. Tuateh a tapa Jehoram in a kumpi za a luah hi.