Eze 48:30-35 | ZomZIV | STEP | “Khuapi pana pusuahna hih bang ahi hi: Leilu-lam pang pan kipanin tong 4,500 sau-a,

‏ Ezekiel 48:30-35

Khuapi Kongpite

30 “Khuapi pana pusuahna hih bang ahi hi: Leilu-lam pang pan kipanin tong 4,500 sau-a, 31 a kongpite min Israel behte min kitamsak ding hi. Leilu-lam panga kongpi thumte Reuben kongpi, Judah kongpi le Levi kongpi hi ding hi. ^a

32 “Nisuahna-lam pang tong 4,500 sau-in, kongpi thum om dinga: Joseph kongpi, Benjamin kongpi le Dan kongpi hi ding hi.

33 “Leitaw-lam pang tong 4,500 sau-in, kongpi thum om dinga; Simeon kongpi, Issachar kongpi le Zebulun kongpi hi ding hi.

34 “Nitumna-lam pang tong 4,500 sau-in, kongpi thum om dinga; Gad kongpi, Asher kongpi le Naphtali kongpi hi ding hi. ^b

35 “A kimkot khempeuh a gamlatna tong 18,000 a pha hi.

“Tuateh tua huna kipan khuapi min:

TUA LAI-AH TOPA OM HI kici ding hi,” hong ci hi. ^c