Isa 49:8-21 | ZomZIV | STEP | TOPA gen hih ahi hi: “Kong angvan hunin kong dawng dinga, hotkhiatna ni-in nang kong huh ding hi; Keimah in note hong kemin mite adingin thukhun kong suaksak dinga, leitang hong puahphasakin kuama tenlohna mun kong luahsak dinga,

“Kong angvan hunin kong dawng dinga, ^a
hotkhiatna ni-in nang kong huh ding hi; ^b
Keimah in note hong kemin ^c
mite adingin thukhun kong suaksak dinga, ^d
leitang hong puahphasakin ^e
kuama tenlohna mun kong luahsak dinga, ^f
9 thongkiate tungah, ‘Hong paikhia un’ ci-in ^g
khuamial sunga omte tungah, ‘Suakta un,’ ka cisak ding hi.
“Amaute in lampi gei-ah an ne in
mualneu tunga pawnlak khempeuh ah lonona a mu ding uh hi. ^h
10 Amaute gilkial lo dangtak loin ⁱ
sehnel-gam nisa in a kang kha kei ding hi.
Amaute a khuatuahpa in makaih dinga,
ciktuite gei-ah a pi ding hi. ^j
11 Ka mualliante khempeuh lampi ka suaksak dinga,
ka lam lianpite ka sangsak ding hi. ^k
12 En un, amaute gamlapi panin- ^l
pawlkhatte leilu-lam pan, pawlkhatte nitumna-lam pan,
pawlkhatte Aswan ^{▼▼49.12 Si Tuipi Laizialte; Masoretic Bupi ah Sinim} kual pek pan hong pai ding uh hi,” a ci hi.
13 Vante aw, lungdamin awng un,
leitung aw, nuam in;
mualliante aw, la sa-in awngkhia un! ⁿ
Ahang in, TOPA in a mite hehnem ta in, ^o
gim thuak mite khuatuah ta ding hi. ^p
14 Ahi hangin Zion in, “TOPA in kei hong nusia khin a, ^q
Topa in kei hong mangngilh khin hi,” a ci hi.
15 Nu khat in a anga a tawi naungeek mangngilh thei a,
a sunga piang a ta khuatuah lo thei ahi hiam?
Amah in a mangngilh kha zongin
ken nang kong mangngilh kei ding hi. ^r
16 En in, ka khutpekte ah nang kong gelh kuak zo a;
na kulhte ka mai-ah a om den hi. ^s
17 Na tapate hong kihei kik uh a,
nang hong siasakte in hong paisan ta uh hi.
18 Dakto inla na kimkot en in;
na tapate kikhawmin nang hong zuan uh hi. ^t
TOPA in cikhia hi, “Ka nuntakna ka lo hi, ^u
amaute khempeuh kizepna-in na nei dinga, ^v
mothak bangin amaute kizepna-in na nei ding hi.
19 “Nang kisia-in hong kilawi a, ^w
na gam gamkhing a suak zongin
tu-in na mite adingin nang na neu lua dinga, ^x
nang hong nawmvalhte gamlapi ah a om ding uh hi. ^y
20 Note dah le kah hun sunga na neih uh
na tate un na zakzakun,
‘Hih mun ko adingin neu lua;
ka ten nading uh mundang hong piakbeh in’ kici lai ding uh hi. ^z
21 Tua ciangin na lungsimin,
‘Hihte kua hong neihsak hiam?
Kei taselin ka tangkhat a,
hong kinolhin sal ka suak hi.
Hihte a khansuah kua ahi hiam?
Kei guak hong kinusia den a, ^aa
ahi zongin hihte - amaute koi pan hong pai uh ahi hiam?’ na ci ding uh hi,” a ci hi.