Lev 22:18-21 | ZomZIV | STEP | “Aaron le a tapate le Israel-te khempeuh hopih inla amaute tungah: ‘Note khatpeuh Israel mite khat ahikeh Israel-te laka teng pemtate khatpeuh in TOPA tungah meihal biakna ahikeh kiciamna khat tangtun nading ahikeh utthu-a biakna-a a piak leh,

‏ Leviticus 22:18-21

18 “Aaron le a tapate le Israel-te khempeuh hopih inla amaute tungah: ‘Note khatpeuh Israel mite khat ahikeh Israel-te laka teng pemtate khatpeuh in TOPA tungah meihal biakna ahikeh kiciamna khat tangtun nading ahikeh utthu-a biakna-a a piak leh, 19 nang tanga a kisang thei dingin bawnghon tuuhon ahikeh keelhon panin a sitbaang lo apa khat na pia tektek ding uh hi. 20 Sitbaanna a nei na khatpeuh pia kei un, bang hang hiam cih leh nang tangin a kisang thei kei ding hi. 21 Mi khatpeuh in kiciamna tuamkai khat a tangtunsak nading ahikeh utthu-a biakna-in TOPA tungah ganhon ahikeh keelhon panin kilawmtakna biakna ^{▼▼22.21 Tang ngeina-in kilemna biakna} a piak leh a kisang thei dingin poina a nei lo ahikeh a sitbaang lo hi ding hi.